Read kiswahili Zaburi 34 Bible Online

Zaburi 34 - kiswahili bible

Zaburi 34

¹ Nitamhimidi BWANA kila wakati, Sifa zake zi kinywani mwangu daima.

²① Katika BWANA nafsi yangu itajisifu, Wanyenyekevu wasikie na kufurahi.

³Mtukuzeni BWANA pamoja nami, Na tuliadhimishe jina lake pamoja.

⁴② Nilimtafuta BWANA, naye akanijibu, Akaniokoa kutoka kwa hofu zangu zote.

⁵Mwelekezeeni macho, mpate kufurahi, Na nyuso zenu hazitaaibishwa kamwe.

⁶③ Maskini huyu aliita, BWANA akasikia, Akamwokoa na taabu zake zote.

⁷④ Malaika wa BWANA huwazungukia, Wamchao na kuwaokoa.

⁸⑤ Onjeni muone ya kuwa BWANA yu mwema; Heri mtu yule anayemtumainia.

⁹⑥ Mcheni BWANA, enyi watakatifu wake, Maana, wamchao hawapungukiwi kitu.

¹⁰Wanasimba hutindikiwa, na kuona njaa; Bali wamtafutao BWANA hawapungukiwi kitu chochote kilicho chema.

¹¹Njoni, enyi wana, mnisikilize, Nami nitawafundisha kumcha BWANA.

¹²⑦ Ni nani atamaniye uzima na atakaye kuishi, Siku nyingi afurahie mema?

¹³⑧ Uuzuie ulimi wako na mabaya, Na midomo yako na kusema hila.

¹⁴Uache mabaya ukatende mema, Utafute amani ukaifuatie.

¹⁵⑩ Macho ya BWANA huwaelekea wenye haki, Na masikio yake hukielekea kilio chao.

¹⁶⑪ Uso wa BWANA ni juu ya watenda mabaya, Aliondoe kumbukumbu lao duniani.

¹⁷Walilia, naye BWANA akasikia, Akawaponya kutoka kwa taabu zao zote.

¹⁸BWANA yu karibu nao waliovunjika moyo, Na huwaokoa waliopondeka roho.

¹⁹Mateso ya mwenye haki ni mengi, Lakini BWANA kutoka kwayo yote.

²⁰⑫ Huihifadhi mifupa yake yote, Usivunjike hata mmoja.

²¹⑬ Uovu utamwua asiye haki, Nao wamchukiao mwenye haki watahukumiwa.

²²⑭ BWANA huzikomboa nafsi za watumishi wake, Wote wamkimbiliao hawatahukumiwa.