Read kiswahili Zaburi 36 Bible Online

Zaburi 36 - kiswahili bible

Zaburi 36

¹ Kuasi kwake yule mwovu hunena moyoni mwake, Hakuna hofu ya Mungu mbele ya macho yake.

²Kwa maana hujipendekeza machoni pake Kuwa upotovu wake hautaonekana na kuchukiwa.

³ Maneno ya kinywa chake ni uovu na hila, Ameacha kuwa na akili na kutenda mema.

⁴ Huwaza maovu kitandani pake, Hujiweka katika njia mbaya; hauchukii ubaya.

⁵ Ee BWANA, fadhili zako zafika hata mbinguni, Uaminifu wako hadi mawinguni.

⁶ Haki yako ni kama milima ya Mungu, Hukumu zako ni vilindi vikuu, Ee BWANA, unawalinda wanadamu na wanyama.

⁷ Ee Mungu, jinsi zilivyo na thamani fadhili zako! Wanadamu huukimbilia uvuli wa mbawa zako.

⁸ Watashibishwa kwa unono wa nyumba yako, Nawe utawanywesha kutoka mto wa furaha zako.

⁹ Maana kwako Wewe iko chemchemi ya uzima, Katika nuru yako tutaona nuru.

¹⁰ Uwadumishie wakujuao fadhili zako, Na wanyofu wa moyo uaminifu wako.

¹¹Mguu wa kiburi usinikaribie, Wala mkono wa wasio haki usinifukuze.

¹²Huko ndiko walikoanguka wafanyao maovu; Wameangushwa chini wasiweze kusimama.