Read kiswahili Zaburi 39 Bible Online

Zaburi 39 - kiswahili bible

Zaburi 39

¹⑧ Nilisema, Nitazitunza njia zangu Nisije nikakosa kwa ulimi wangu; Nitajitia lijamu kinywani, Maadamu mtu mbaya awapo mbele yangu.

²Nilikuwa sisemi, nilinyamaa kimya, Sina faraja, maumivu yangu yakazidi.

³⑩ Moyo wangu ukawa moto ndani yangu, Na katika kuwaza kwangu moto ukawaka; Nilisema kwa ulimi wangu,

⁴BWANA, unijulishe mwisho wangu, Na idadi ya siku zangu ni ngapi; Nijue jinsi maisha yangu yalivyo mafupi.

⁵⑪ Tazama, umefanya siku zangu kuwa mashubiri; Maisha yangu ni kama si kitu mbele zako. Kila mwanadamu, ingawa amesitawi, ni ubatili.

⁶Kweli, watu wote hupita kama kivuli; Wao hujisumbua bure tu; Wanajirundikia mali wala hawajui ni nani atakayeirithi.

⁷Na sasa ninangoja nini, Ee Bwana? Matumaini yangu ni kwako.

⁸Uniokoe kutoka kwa maasi yangu yote, Usinifanye niwe wa kulaumiwa na mpumbavu.

⁹Nimenyamaza, sifumbui kinywa changu, Maana Wewe ndiwe uliyeyafanya.

¹⁰Uniondolee pigo lako; Kwa mapigo ya mkono wako nimeangamia.

¹¹Ukimrudi mtu kwa kumkemea kwa uovu wake, Watowesha uzuri wake kama nondo. Kila mwanadamu ni ubatili.

¹²⑫ Ee BWANA, usikie maombi yangu, Utege sikio lako niliapo, Usiyapuuze machozi yangu. Kwa maana mimi ni mgeni wako, Msafiri kama baba zangu wote.

¹³⑬ Uache kunitazama, ndio nipate kufurahi tena, Kabla sijafa na kutoweka kabisa.