Read kiswahili Zaburi 4 Bible Online

Zaburi 4 - kiswahili bible

Zaburi 4

¹Ee Mungu wa haki yangu, uniitikie niitapo; Uliniokoa nilipokuwa katika shida; Unifadhili na kuisikia sala yangu.

²Enyi wanadamu, hadi lini utukufu wangu utafedheheka? Je! Mtapenda ubatili na kutafuta uongo hadi lini?

³ Bali jueni ya kuwa BWANA amejiteulia mtauwa; BWANA husikia nimwitapo.

⁴ Muwe na hofu wala msitende dhambi, Tafakarini vitandani mwenu na kutulia.

⁵ Toeni dhabihu za haki, Na kumtumaini BWANA.

⁶ Wengi husema, Nani atakayetuonesha mema? BWANA, utuinulie nuru ya uso wako.

⁷Umenitia furaha moyoni mwangu, Kupita yao wanapozidishiwa nafaka na divai.

⁸ Katika amani nitajilaza na kupata usingizi mara, Maana Wewe, BWANA, peke yako, Ndiwe unijaliaye kukaa salama.