Read kiswahili Zaburi 41 Bible Online

Zaburi 41 - kiswahili bible

Zaburi 41

¹ Heri amkumbukaye mnyonge;[6] BWANA atamwokoa siku ya taabu.

²BWANA atamlinda na kumhifadhi hai, Naye atafanikiwa katika nchi; Wala usimtie katika hali wamtakiayo adui zake.

³BWANA atamtegemeza alipo mgonjwa kitandani. Katika ugonjwa wake unamponya maradhi yake yote.

⁴ Nami nilisema, BWANA, unifadhili, Uniponye roho yangu maana nimekutenda dhambi.

⁵Adui zangu wananitaja kwa maneno mabaya, Atakufa lini, jina lake lipotee?

⁶ Na mmoja wao akija kunitazama asema uongo, Moyo wake hujikusanyia maovu, Naye atokapo nje huyanena.

⁷Wote wanaonichukia wananong'onezana juu yangu, Wananiwazia yaliyo mabaya zaidi.

⁸Wanafikiri pigo liualo limemshika, Akalala asiweze kusimama tena.

⁹ Hata rafiki yangu mwandani niliyemtumaini, Aliyekula pamoja nami, Ameniinulia kisigino chake.

¹⁰Lakini Wewe, BWANA, unifadhili, Uniinue nipate kuwalipa.

¹¹Kwa neno hili nimejua ya kuwa wapendezwa nami, Kwa kuwa adui yangu hajivunii kunishinda.

¹² Nami katika ukamilifu wangu umenitegemeza, Umeniweka mbele za uso wako milele.

¹³ Na atukuzwe BWANA, Mungu wa Israeli, Tangu milele hata milele. Amina na Amina.