Read kiswahili Zaburi 52 Bible Online

Zaburi 52 - kiswahili bible

Zaburi 52

¹⑧ Kwa nini kujisifia uovu, Ewe jabari? Wema wa Mungu upo sikuzote.

²⑩ Ulimi wako watunga madhara, Kama wembe mkali, Ewe mwenye hila.

³⑪ Umependa mabaya kuliko mema, Na uongo kuliko kusema kweli.

⁴Umependa maneno yote ya kupoteza watu, Ewe ulimi wenye hila.

⁵⑫ Lakini Mungu atakuharibu hata milele; Atakuondolea mbali; Atakunyakua hemani mwako; Atakung'oa katika nchi ya walio hai.

⁶⑬ Nao wenye haki wataona; Wataingiwa na hofu na kumcheka;

⁷⑭ Kumbe! Huyu ndiye mtu yule, Asiyemfanya Mungu kuwa kimbilio lake. Aliutumainia wingi wa mali zake, Na kufanya mali kimbilio lake.

⁸⑮ Bali mimi ni kama mzeituni Umeao katika nyumba ya Mungu. Nazitumainia fadhili za Mungu milele na milele.

⁹⑯ Nitakushukuru milele kwa maana umetenda; Nitalingojea jina lako kwa kuwa ni jema; Mbele ya wacha Mungu wako.