Read kiswahili Zaburi 56 Bible Online

Zaburi 56 - kiswahili bible

Zaburi 56

¹ Mungu, unirehemu, maana yuko atakaye kunimeza, Mchana kutwa ananionea akileta vita.

² Adui zangu wanataka kunimeza mchana kutwa, Maana ni wengi wanaonipiga vita.

³ Siku ya hofu yangu nitakutumaini Wewe;

⁴ Kwa msaada wa MUNGU nitalisifu neno lake. Nimemtumaini Mungu, sitaogopa; Mwenye mwili atanitenda nini?

⁵Mchana kutwa wanapotosha maneno yangu, Mawazo yao yote ni juu yangu kunitakia mabaya.

⁶ Hukutanika, hujificha, huziangalia nyayo zangu, Kwa kuwa waliniotea ili waniue.

⁷Je! Wataokoka kwa uovu wao? Ee Mungu, uwaangamize kwa hasira yako.

⁸ Umehesabu kutangatanga kwangu; Uyatie machozi yangu katika chupa yako; (Je! Hayamo katika kitabu chako?)

⁹ Ndipo adui zangu watarudi nyuma siku ile niitapo. Neno hili najua kuwa MUNGU yu upande wangu;

¹⁰Kwa msaada wa MUNGU nitalisifu neno lake. Kwa msaada wa BWANA nitalisifu neno lake.

¹¹Nimemtumaini Mungu, sitaogopa; Mwanadamu atanitenda nini?

¹² Ee Mungu, nadhiri zako ziko juu yangu; Nitakutolea dhabihu za kushukuru.

¹³ Maana umeniponya nafsi yangu na mauti; Je! Hukuizuia miguu yangu isianguke? Ili niende mbele za Mungu Katika nuru ya walio hai.