Read kiswahili Zaburi 57 Bible Online

Zaburi 57 - kiswahili bible

Zaburi 57

¹ Unirehemu, Ee Mungu, unirehemu mimi, Maana nafsi yangu imekukimbilia Wewe. Nitaukimbilia uvuli wa mbawa zako, Hadi misiba hii itakapopita.

² Nitamwita MUNGU Aliye Juu, Mungu anitimiziaye mambo yangu.

³ Atanitumia msaada toka mbinguni na kuniokoa, Atawaaibisha wale wanaotaka kunishambulia. Mungu atazituma Fadhili zake na kweli yake.

⁴ Nafsi yangu i kati ya simba, Nitastarehe kati yao waliowaka moto. Wanadamu meno yao ni mikuki na mishale, Na ndimi zao ni upanga mkali.

⁵ Ee Mungu, utukuzwe juu ya mbingu, Na juu ya nchi yote uwe utukufu wako.

⁶ Wameweka wavu ili kuninasa miguu; Nimevunjika moyo; Wamechimba shimo njiani mwangu; Lakini wao wenyewe wametumbukia humo!

⁷ Ee Mungu, moyo wangu ni thabiti, Moyo wangu ni thabiti. Nitaimba, nitaimba kwa sauti nzuri,

⁸ Amka, ee moyo wangu. Amka, kinanda na kinubi, Nitaamka alfajiri.

⁹Ee Bwana, nitakushukuru kati ya watu, Nitakuimbia sifa kati ya mataifa.

¹⁰① Maana fadhili zako ni kubwa hata mbinguni, Na uaminifu wako hata mawinguni.

¹¹Ee Mungu, utukuzwe juu ya mbingu, Na juu ya nchi yote uwe utukufu wako.