Read kiswahili Zaburi 63 Bible Online

Zaburi 63 - kiswahili bible

Zaburi 63

¹ Ee MUNGU, Mungu wangu, nitakutafuta mapema, Nafsi yangu inakuonea kiu, Mwili wangu wakuonea shauku, Katika nchi kame na uchovu, isiyo na maji.

² Ndivyo nilivyokutazama katika patakatifu, Nizione nguvu zako na utukufu wako.

³ Maana fadhili zako ni njema kuliko uhai; Midomo yangu itakusifu.

⁴Ndivyo nitakavyokubariki maadamu ni hai; Kwa jina lako nitaiinua mikono yangu.

⁵ Nafsi yangu itakinai kama kushiba mafuta na vinono; Kinywa changu kitakusifu kwa midomo ya furaha.

⁶ Ninapokukumbuka kitandani mwangu, Ninakutafakari usiku kucha.

⁷ Maana Wewe umekuwa msaada wangu, Na uvulini mwa mbawa zako nitashangilia.

⁸ Nafsi yangu inaambatana nawe sana; Mkono wako wa kulia unanitegemeza.

⁹Bali waitafutao nafsi yangu, ili kuiangamiza, Wataingia katika vilindi vya nchi.

¹⁰Watatolewa wafe kwa nguvu za upanga, Watakuwa riziki za mbwamwitu.

¹¹ Bali mfalme atamfurahia Mungu, Kila aapaye kwa Yeye atashangilia, Kwa maana vinywa vya waongo vitafumbwa.