Read kiswahili Zaburi 66 Bible Online

Zaburi 66 - kiswahili bible

Zaburi 66

¹Mpigie Mungu kelele za shangwe, nchi yote,

²Imbeni utukufu wa jina lake, Tukuzeni sifa zake.

³⑤ Mwambieni Mungu, Matendo yako yatisha kama nini! Kwa ajili ya wingi wa nguvu zako, Adui zako watakuja kunyenyekea mbele zako.

⁴⑥ Nchi yote itakusujudia na kukuimbia, Naam, italiimbia jina lako.

⁵⑦ Njoni myaone matendo ya Mungu; Hutisha kwa mambo awatendayo wanadamu;

⁶⑧ Aligeuza bahari ikawa nchi kavu; Katika mto walivuka kwa miguu; Huko ndiko tulikomfurahia yeye.

⁷⑩ Atawalaye kwa uweza wake milele; Ambaye macho yake yanaangalia mataifa; Hebu wanaoasi wasijitukuze nafsi zao.

⁸Enyi mataifa, mtukuzeni Mungu wetu, Itangazeni sauti ya sifa zake;

⁹Aliyeiweka nafsi yetu katika uhai, Wala hakuuacha mguu wetu usogezwe.

¹⁰⑪ Kwa maana umetupima, Ee Mungu, Umetujaribu inavyojaribiwa fedha.

¹¹Ulituingiza ndani ya wavu, Na kuweka viunoni mwetu mzigo uliotulemea.

¹²Uliwapandisha watu Juu ya vichwa vyetu. Tulipitia motoni na majini; Ukatutoa na kutuleta kwenye ufanisi.

¹³⑫ Nitaingia nyumbani mwako na kafara; Nitaondoa kwako nadhiri zangu;

¹⁴Ambazo midomo yangu ilizinena; Kinywa changu kikazisema nilipokuwa taabuni.

¹⁵Kafara za vinono nitakutolea, Pamoja na fukizo la kondoo dume, Nitatoa ng'ombe pamoja na mbuzi.

¹⁶Njoni, sikieni, ninyi nyote mnaomcha Mungu, Nami nitayatangaza aliyonitendea roho yangu.

¹⁷Nilimwita kwa kinywa changu, Na sifa kuu zilikuwa chini ya ulimi wangu.

¹⁸⑬ Kama ningaliwaza maovu moyoni mwangu, Bwana asingesikia.

¹⁹Hakika Mungu amesikia; Ameisikiliza sauti ya maombi yangu.

²⁰Na ahimidiwe Mungu asiyeyakataa maombi yangu, Wala kuniondolea fadhili zake.