Read kiswahili Zaburi 7 Bible Online

Zaburi 7 - kiswahili bible

Zaburi 7

¹BWANA, Mungu wangu, nimekukimbilia Wewe, Uniokoe na wote wanaonifuatia, uniponye.

²⑧ Asije akaipapura nafsi yangu kama simba, Akaniburura hadi pasipokuwa na wa kuniponya.

³⑩ BWANA, Mungu wangu, ikiwa nimetenda haya, Ikiwa mna uovu mikononi mwangu,

⁴⑪ Ikiwa nimemlipa mabaya Yeye aliyekaa kwangu salama; (Hasha! Nimemponya yeye Aliyekuwa mtesi wangu bila sababu;)

⁵Basi adui na anifuatie, Na kuikamata nafsi yangu; Naam, aukanyage uzima wangu, Na kuulaza utukufu wangu mavumbini.

⁶⑫ BWANA uondoke kwa hasira yako; Ujiinue Juu ya ujeuri wa watesi wangu; Uamke kwa ajili yangu; Umeamuru hukumu.

⁷Kusanyiko la mataifa na likuzunguke, Na juu yake uketi utawale.

⁸BWANA atawaamua mataifa, BWANA, unihukumu mimi, Kwa kadiri ya haki yangu, Kulingana na unyofu nilio nao.

⁹⑬ Ubaya wao wasio haki na ukome, Lakini umthibitishe mwenye haki. Kwa maana mjaribu mioyo na fikira Ndiye Mungu aliye mwenye haki.

¹⁰Ngao yangu ina Mungu, Awaokoaye wanyofu wa moyo.

¹¹Mungu ni mwamuzi mwenye haki, Naam, Mungu akasirikiaye waovu kila siku.

¹²Mtu asipoongoka ataunoa upanga wake; Ameupinda uta wake na kuuweka tayari;

¹³Naye amemtengenezea silaha za kuua, Akifanya mishale yake kuwa mipini ya moto.

¹⁴Tazama, huyu ametunga uovu, Amechukua mimba ya madhara, amezaa uongo.

¹⁵⑭ Amechimba shimo, amelichimba chini sana, Akatumbukia katika handaki aliyoichimba!

¹⁶⑮ Madhara yake yatamrejea kichwani pake, Na dhuluma yake itamshukia utosini.

¹⁷Nitamshukuru BWANA kwa kadiri ya haki yake; Nitaliimbia jina la BWANA aliye juu.