Read kiswahili Zaburi 71 Bible Online

Zaburi 71 - kiswahili bible

Zaburi 71

¹Nimekukimbilia Wewe, BWANA, Nisiaibike milele.

²Kwa haki yako uniponye, uniponye, Unitegee sikio lako, uniokoe.

³② Uwe kwangu mwamba wa makazi yangu, Ngome imara ya wokovu wangu. Maana wewe, Ndiwe mwamba wangu na ngome yangu.

⁴Ee Mungu wangu, uniponye mkononi mwa mkorofi, Katika mkono wake mwovu na mdhalimu,

⁵③ Maana ndiwe tegemeo langu, Ee Bwana MUNGU, Tumaini langu tokea ujana wangu.

⁶④ Nimekutegemea Wewe tangu kuzaliwa, Ndiwe uliyenitoa tumboni mwa mama yangu, Ninakusifu Wewe daima.

⁷⑤ Nimekuwa kifani kwa watu wengi, Lakini wewe ndiwe kimbilio langu la nguvu.

⁸Kinywa changu kitajazwa sifa zako, Na heshima yako mchana kutwa.

⁹Usinitupe wakati wa uzee, Nguvu zangu zipungukapo usiniache.

¹⁰⑥ Kwa maana adui zangu wananiamba, Nao wanaotaka kuniua hushauriana.

¹¹Wakisema, Mungu amemwacha, Mfuatieni, mkamateni, hakuna wa kumponya.

¹²⑦ Ee Mungu, usiwe mbali nami; Ee Mungu wangu, fanya haraka kunisaidia.

¹³⑧ Waaibishwe, watoweshwe, adui za nafsi yangu. Wavikwe laumu na aibu wanaonitakia mabaya.

¹⁴Lakini mimi nitakutumainia daima, Nitaendelea kukusifu zaidi na zaidi.

¹⁵⑩ Lakini mimi nitakutumainia daima Na nitaendelea kukusifu zaidi na zaidi.

¹⁶⑪ Nitakuja na mambo ya ajabu ya Bwana MUNGU; Nitawakumbusha watu haki yako Wewe peke yako.

¹⁷Ee Mungu, umenifundisha tokea ujana wangu; Nimekuwa nikitangaza miujiza yako hata leo.

¹⁸Na hata nikiwa ni mzee mwenye mvi, Ee Mungu, usiniache. Hata niwaeleze watu wa kizazi hiki nguvu zako, Na kila atakayekuja uweza wako.

¹⁹⑫ Na haki yako, Ee Mungu, Imefika juu sana. Wewe uliyefanya mambo makuu; Ee Mungu, ni nani aliye kama Wewe?

²⁰⑬ Wewe, uliyetuonesha mateso mengi, mabaya, Utatuhuisha tena. Utatupandisha juu tena Kutoka katika vina virefu chini ya nchi.

²¹Laiti ungeniongezea ukuu! Urejee tena na kunifariji moyo.

²²⑭ Nami nitakushukuru kwa kinanda, Na kweli yako, Ee Mungu wangu. Nitakuimbia Wewe kwa kinubi, Ee Mtakatifu wa Israeli.

²³⑮ Midomo yangu itafurahi sana nikuimbiapo, Na nafsi yangu uliyoikomboa.

²⁴Ulimi wangu nao utasimulia Haki yako mchana kutwa. Kwa maana wameaibishwa, Wametahayarika, wanaonitakia mabaya.