Read kiswahili Zaburi 76 Bible Online

Zaburi 76 - kiswahili bible

Zaburi 76

¹Katika Yuda Mungu amejulikana, Katika Israeli jina lake ni kuu.

²Kibanda chake pia kiko Salemu, Na maskani yake iko Sayuni.

³⑤ Huko ndiko alikoivunja mishale ya uta, Ngao, upanga, na zana za vita.

⁴⑥ Wewe U mwenye fahari na adhama, Toka milima ya mateka.

⁵⑦ Wametekwa wenye moyo thabiti; Wamelala usingizi; Wala hawakuiona mikono yao Watu wote walio hodari.

⁶⑧ Kwa kukemea kwako, Ee Mungu wa Yakobo, Gari na farasi wameshikwa na usingizi mzito.

⁷⑩ Wewe ndiwe utishaye, naam, Wewe; Naye ni nani awezaye kusimama ukasirikapo?

⁸Toka mbinguni ulitangaza hukumu; Nchi iliogopa, ikakaa kimya.

⁹Mungu aliposimama ili kuhukumu Na kuwaokoa wapole wa dunia wote pia.

¹⁰⑪ Maana hasira ya binadamu itakusifu, Masalio ya hasira utajifunga kama mshipi.

¹¹⑫ Wekeni nadhiri na mziondoe Kwa BWANA, Mungu wenu. Wote wanaomzunguka wamletee hedaya, Yeye astahiliye kuogopwa.

¹²⑬ Yeye huzikata roho za wakuu; Na kuwatisha wafalme wa dunia.