Read kiswahili Zaburi 84 Bible Online

Zaburi 84 - kiswahili bible

Zaburi 84

¹⑭ Maskani zako zapendeza kama nini, Ee BWANA wa majeshi!

²Nafsi yangu imezionea shauku nyua za BWANA, Naam, na kuzikondea. Moyo wangu na mwili wangu Vinamlilia Mungu aliye hai.

³Hata Shomoro ameona nyumba, Na mbayuwayu amejipatia kiota, Alipoweka makinda yake, Kwenye madhabahu zako, Ee BWANA wa majeshi, Mfalme wangu na Mungu wangu.

⁴Heri wakaao nyumbani mwako, Wanakuhimidi daima.

⁵Heri ambaye nguvu zake zatoka kwako, Na njia ziendazo Sayuni zimo moyoni mwake.

⁶Wapitapo katika bonde la baraka, Hulifanya kuwa chemchemi, Naam, mvua ya vuli hulijaza baraka.

⁷⑮ Huendelea toka nguvu hata nguvu, Huonekana Sayuni kila mmoja mbele za Mungu.

⁸BWANA, Mungu wa majeshi, uyasikie maombi yangu, Ee Mungu wa Yakobo, usikilize, wako.

⁹⑯ Ee Mungu, ngao yetu, uangalie, Umtazame uso masihi[11]

¹⁰Hakika siku moja katika nyua zako Ni bora kuliko siku elfu kwingineko; Ningependa kuwa bawabu nyumbani mwa Mungu wangu, Kuliko kuishi katika hema za uovu.

¹¹Kwa kuwa BWANA, Mungu, ni jua na ngao, BWANA atatoa neema na utukufu. Hatawanyima kitu chema Hao waendao kwa ukamilifu.

¹²Ee BWANA wa majeshi, Heri mwanadamu anayekutumaini Wewe.