Read kiswahili Zaburi 85 Bible Online

Zaburi 85 - kiswahili bible

Zaburi 85

¹⑰ BWANA, umeiridhia nchi yako, Umewarejesha mateka wa Yakobo.

²Umeusamehe uovu wa watu wako, Umezisitiri hatia zao zote.

³Umeiondoa ghadhabu yako yote, Umerudi na kuuacha ukali wa hasira yako.

⁴Mungu wa wokovu wetu, uturudishe, Uikomeshe hasira uliyo nayo juu yetu.

⁵Je! Utatufanyia hasira hata milele? Utadumisha ghadhabu kizazi hadi kizazi?

⁶⑱ Je! Hutaki kurudi na kutuhuisha, Ili watu wako wakufurahie?

⁷Ee BWANA, utuoneshe rehema zako, Utupe wokovu wako.

⁸⑲ Na nisikie atakavyosema Mungu BWANA, Maana atawaambia watu wake amani, Naam, na watauwa wake pia, Bali wasiurudie upumbavu tena.

⁹Hakika wokovu wake uko karibu na wamchao, Ndipo utukufu wake ukae katika nchi yetu.

¹⁰⑳ Fadhili na kweli zitakutana, Haki na amani zitakumbatiana.

¹¹ Kweli itachipuka katika nchi, Haki itachungulia kutoka mbinguni.

¹² Naam, BWANA atatoa kilicho chema, Na nchi yetu itatoa mazao yake.

¹³Haki itakwenda mbele zake, Na kuzitayarishia hatua zake mapito.