Read kiswahili Zaburi 89 Bible Online

Zaburi 89 - kiswahili bible

Zaburi 89

¹Fadhili za BWANA nitaziimba milele; Kwa kinywa changu nitavijulisha vizazi vyote uaminifu wako.

²Maana nimesema, Fadhili zitajengwa milele; Katika mbingu utauthibitisha uaminifu wako.

³ Nimefanya agano na mteule wangu, Nimemuapia Daudi, mtumishi wangu.

⁴ Wazao wako nitawaimarisha milele, Nitakijenga kiti chako cha enzi hata milele.

⁵Ee BWANA, mbingu zitayasifu maajabu yako, Uaminifu wako katika kusanyiko la watakatifu.

⁶Maana ni nani katika mbingu awezaye kulinganishwa na BWANA? Ni nani afananaye na BWANA miongoni mwa malaika?

⁷Mungu huogopwa sana barazani pa watakatifu, Ni wa kuhofiwa kuliko wote wanaomzunguka.

⁸BWANA, Mungu wa majeshi, Ni nani aliye hodari kama Wewe, Ee YAHU? Na uaminifu wako unakuzunguka.

⁹ Wewe ndiwe ukitawalaye kiburi cha bahari. Mawimbi yake yainukapo, wewe unayatuliza.

¹⁰ Ndiwe uliyemponda Rahabu[12] akawa kama aliyeuawa, Kwa mkono hodari umewatawanya wakuchukiao.

¹¹Mbingu ni mali yako, nchi nayo ni mali yako, Ulimwengu na vyote viujazavyo Ndiwe uliyeupiga msingi wake.

¹² Kaskazini na kusini ndiwe uliyeziumba, Tabori na Hermoni hulifurahia jina lako.

¹³Mkono wako ni mkono wenye uweza, Mkono wako una nguvu, Mkono wako wa kulia umetukuka.

¹⁴Haki na hukumu ndio msingi wa kiti chako, Fadhili na kweli zimo mbele za uso wako.

¹⁵ Heri watu wale waijuao sauti ya shangwe, Ee BWANA, waendao, katika nuru ya uso wako.

¹⁶Kwa jina lako hufurahi mchana kutwa, Na kwa haki yako hutukuzwa.

¹⁷Maana fahari ya nguvu zao ni Wewe, Na kwa radhi yako pembe yetu itatukuka.

¹⁸ Maana ngao yetu ni BWANA, Na mfalme wetu ni wake Mtakatifu wa Israeli.

¹⁹Ndipo ulipowaambia watakatifu wako kwa maono, Ukasema, Nimempa aliye hodari msaada; Nimemtukuza aliyechaguliwa miongoni mwa watu.

²⁰ Nimemwona Daudi, mtumishi wangu, Nimempaka mafuta yangu matakatifu.

²¹Ambaye mkono wangu utakuwa thabiti kwake, Na mkono wangu utamtia nguvu.

²²Adui hatamwonea, Wala mwana wa uovu hatamtesa.

²³Bali nitawaponda watesi wake mbele yake, Nitawapiga wanaomchukia.

²⁴ Uaminifu wangu na fadhili zangu atakuwa nazo, Na kwa jina langu pembe yake itatukuka.

²⁵Nitaweka mkono wake juu ya bahari, Na mkono wake wa kulia juu ya mito.

²⁶ Yeye ataniita, Wewe ni baba yangu, Mungu wangu na mwamba wa wokovu wangu.

²⁷ Nami nitamjalia kuwa mzaliwa wangu wa kwanza, Kuwa juu sana kuliko wafalme wote wa dunia.

²⁸Hata milele nitamwekea fadhili zangu, Na agano langu naye litadumu hata milele.

²⁹ Wazao wake nao nitawadumisha milele, Na kiti chake cha enzi kama siku za mbingu.

³⁰① Wanawe wakiiacha sheria yangu, Wasiende katika hukumu zangu,

³¹Wakizivunja amri zangu, Wasiyashike maagizo yangu,

³²Basi, nitawarudi makosa yao kwa fimbo, Na uovu wao kwa mapigo.

³³Lakini fadhili zangu sitamwondolea yeye, Wala sitafanya uaminifu wangu kuwa uongo.

³⁴Mimi sitalivunja agano langu, Sitalibadili neno lililotoka midomoni mwangu.

³⁵② Neno moja nimeliapa kwa utakatifu wangu, Hakika sitamwambia Daudi uongo,

³⁶③ Wazawa wake watadumu milele, Na kiti chake cha enzi kuwa mbele yangu kama jua.

³⁷④ Kitathibitika milele kama mwezi; Shahidi mwaminifu aliye mbinguni.

³⁸Lakini wewe umemtupa na kumkataa, Umemghadhibikia masihi[13] wako.

³⁹⑤ Umechukizwa na agano la mtumishi wako, Umelinajisi taji lake na kulitupa chini.

⁴⁰Umeyabomoa maboma yake yote, Umezifanya ngome zake kuwa magofu.

⁴¹Wote wapitao njiani wanateka mali zake; Amedharauliwa na jirani zake;

⁴²Umeutukuza mkono wa kulia wa watesi wake; Umewafurahisha wote wanaomchukia.

⁴³Pia umeurudisha nyuma ukali wa upanga wake; Wala hukumsimamisha vitani.

⁴⁴Umeikomesha fahari yake; Kiti chake cha enzi umekitupa chini.

⁴⁵Umezipunguza siku za ujana wake; Umemvika aibu.

⁴⁶Hadi lini, Ee BWANA? Utajificha hata milele? Ghadhabu yako itawaka kama moto hadi lini?

⁴⁷⑥ Ukumbuke jinsi mimi nisivyo wa kudumu; Kwa ubatili gani umeiumba jamii ya wanadamu!

⁴⁸⑦ Ni mwanamume gani atakayeishi asione mauti, Atakayejiokoa nafsi yake na mkono wa kuzimu?

⁴⁹⑧ Bwana, ziko wapi fadhili zako za kwanza, Ulizomwapia Daudi kwa uaminifu wako?

⁵⁰Ukumbuke, Ee Bwana, Wanavyosimangwa watumishi wako; Jinsi ninavyostahimili kifuani mwangu Masimango ya watu wengi.

⁵¹Ambayo adui zako wamesimanga, Ee BWANA, Naam, wamezisimanga hatua za masihi[14] wako.

⁵²Na ahimidiwe BWANA milele. Amina na Amina.