Read kiswahili Zaburi 91 Bible Online

Zaburi 91 - kiswahili bible

Zaburi 91

¹Aketiye mahali pa siri pake Aliye Juu Atakaa katika uvuli wake Mwenyezi.

²Atasema, BWANA ndiye kimbilio langu na ngome yangu, Mungu wangu nitakayemtumaini.

³Maana Yeye atakuokoa kutoka kwa mtego wa mwindaji, Na katika maradhi mabaya.

⁴⑳ Kwa manyoya yake atakufunika, Chini ya mbawa zake utapata kimbilio; Uaminifu wake ni ngao na kigao.

⁵ Hutaogopa hatari za usiku, Wala mshale urukao mchana,

⁶Wala mapigo yajayo usiku, Wala maafa yatokeayo adhuhuri,

⁷Hata watu elfu wakianguka ubavuni pako. Naam, watu elfu kumi katika mkono wako wa kulia! Wewe hutakaribiwa na maafa.

⁸ Ila kwa macho yako utatazama, Na kuyaona malipo ya wasio haki.

⁹Kwa kuwa Wewe BWANA ndiwe kimbilio langu; Umemfanya Aliye Juu kuwa makao yako.

¹⁰ Mabaya hayatakupata wewe, Wala tauni haitaikaribia hema yako.

¹¹ Kwa kuwa atakuagizia malaika wake Wakulinde katika njia zako zote.

¹² Mikononi mwao watakuchukua, Usije ukajikwaa mguu wako katika jiwe.

¹³ Utawakanyaga simba na nyoka, Mwanasimba na joka utawakanyaga kwa miguu.

¹⁴Kwa kuwa amekaza kunipenda Nitamwokoa; na kumweka palipo juu, Kwa kuwa amenijua Jina langu.

¹⁵ Ataniita nami nitamwitikia; Nitakuwa pamoja naye taabuni, Nitamwokoa na kumtukuza;

¹⁶Kwa siku nyingi nitamshibisha, Nami nitamwonesha wokovu wangu.