Read kiswahili Zaburi 92 Bible Online

Zaburi 92 - kiswahili bible

Zaburi 92

¹Ni neno jema kumshukuru BWANA, Na kuliimbia jina lako sifa, Ee Uliye Juu.

²Kuzitangaza rehema zako asubuhi, Na uaminifu wako wakati wa usiku.

³Kwa chombo chenye nyuzi kumi, Na kwa kinanda, Na kwa mlio wa kinubi.

⁴Kwa kuwa umenifurahisha, BWANA, Kwa kazi yako; nitashangilia Kwa ajili ya matendo ya mikono yako.

⁵ Ee BWANA, jinsi yalivyo makuu matendo yako! Mawazo yako ni mafumbo makubwa.

⁶ Mtu mjinga hayatambui hayo, Wala mpumbavu hayafahamu.

⁷ Hata wasio haki wakichipuka kama majani Na wote watendao maovu wakastawi. Mwishowe wataangamizwa milele;

⁸Bali Wewe, BWANA, U Mtukufu hata milele.

⁹Maana hao adui zako, Ee BWANA, Hao adui zako watapotea, Na watendao maovu watatawanyika wote pia.

¹⁰Bali pembe yangu umeiinua kama pembe ya nyati, Nimepakwa mafuta mabichi.

¹¹Na jicho langu limeona kuanguka kwa adui zangu, Sikio langu limesikia maangamizi ya waovu walionishambulia.

¹² Mwenye haki atastawi kama mtende, Atakua kama mwerezi wa Lebanoni.

¹³ Waliopandwa katika nyumba ya BWANA Watastawi katika nyua za Mungu wetu.

¹⁴Watazaa matunda hadi wakati wa uzee, Watajaa utomvu, watakuwa na ubichi.

¹⁵ Watangaze ya kuwa BWANA ni mwenye adili, Mwamba wangu, ndani yake hamna udhalimu.