Read kiswahili Zaburi 94 Bible Online

Zaburi 94 - kiswahili bible

Zaburi 94

¹Ee BWANA, Mungu wa kisasi, Mungu wa kisasi, uangaze,

² Mwenye kuihukumu nchi, ujitukuze, Uwape wenye kiburi stahili zao.

³ BWANA, hadi lini wasio haki, Hadi lini wasio haki watashangilia?

⁴ Je! Wote watendao uovu watatoa maneno, Na kusema majivuno, na kufanya kiburi?

⁵Ee BWANA, wanawaponda watu wako; Wanautesa urithi wako;

⁶Wanamwua mjane na mgeni; Wanawaua yatima.

⁷Nao husema, BWANA haoni; Mungu wa Yakobo hatambui.

⁸Enyi wajinga miongoni mwa watu, fikirini; Enyi wapumbavu, lini mtakapopata akili?

⁹ Aliyelitia sikio mahali pake, asisikie? Aliyelifanya jicho, asione?

¹⁰ Awaadibuye mataifa, asikemee? Amfundishaye mwanadamu, asijue?

¹¹ BWANA anajua mawazo ya mwanadamu, Ya kuwa ni ubatili.

¹² Ee BWANA, heri mtu yule umwadibuye, Na kumfundisha kwa sheria yako;

¹³Ukimponya katika siku za shida, Hadi asiye haki atakapochimbiwa shimo.

¹⁴ Kwa kuwa BWANA hatawatupa watu wake, Wala hutauacha urithi wake,

¹⁵Maana hukumu itarejea kwa wenye haki, Na wote walio wanyofu wa moyo wataifuata.

¹⁶Ni nani atakayesimama Kwa ajili yangu juu ya wabaya? Ni nani atakayenisaidia Juu yao wafanyao maovu?

¹⁷Kama BWANA asingalikuwa msaada wangu, Nafsi yangu kwa upesi ingalikaa penye kimya.

¹⁸Niliposema, Mguu wangu unateleza; Ee BWANA, fadhili zako zilinitegemeza.

¹⁹Katika wingi wa mawazo ya moyoni mwangu, Faraja zako zinaifurahisha roho yangu.

²⁰ Je! Watawala waovu wanaweza kushirikiana nawe, Wale watungao madhara kwa njia ya sheria?

²¹① Kwa pamoja wanaishambulia nafsi yake mwenye haki, Na kuihukumu damu isiyo na hatia.

²²Lakini BWANA amekuwa ngome kwangu, Na Mungu wangu mwamba wangu wa kukimbilia.

²³② Naye atawarudishia uovu wao, Atawaangamiza katika ubaya wao, Naam, BWANA, Mungu wetu, atawaangamiza.