Read kiswahili Zaburi 95 Bible Online

Zaburi 95 - kiswahili bible

Zaburi 95

¹Njoni, tumwimbie BWANA, Tumfanyie shangwe mwamba wa wokovu wetu.

²Tuje mbele zake kwa shukrani, Tumfanyie shangwe kwa zaburi.

³Kwa kuwa BWANA ni Mungu mkuu, Na Mfalme mkuu juu ya miungu yote.

⁴Mkononi mwake zimo bonde za dunia, Hata vilele vya milima ni vyake.

⁵Bahari ni yake, ndiye aliyeifanya, Na mikono yake iliumba nchi kavu.

⁶③ Njoni, tuabudu, tusujudu, Tupige magoti mbele za BWANA aliyetuumba.

⁷④ Kwa maana ndiye Mungu wetu, Na sisi tu watu wa malisho yake, Na kondoo za mkono wake. Ingekuwa heri leo msikie sauti yake!

⁸⑤ Msifanye mioyo yenu kuwa migumu; Kama ilivyokuwa huko Meriba Kama siku ile katika Masa jangwani.

⁹Hapo waliponijaribu baba zenu, Wakanipima, wakayaona matendo yangu.

¹⁰⑥ Miaka arubaini nilichukizwa na kizazi kile, Nikasema, Hawa ni watu wenye mioyo inayopotoka, Na wanaopuuza njia zangu.

¹¹⑦ Ndipo Nikaapa kwa hasira yangu Hawataingia katika pumziko langu.