Read kiswahili Zaburi 97 Bible Online

Zaburi 97 - kiswahili bible

Zaburi 97

¹BWANA ametamalaki, nchi na ishangilie, Visiwa vingi na vifurahi.

²Mawingu na giza vyamzunguka, Haki na hukumu ndio msingi wa kiti chake.

³⑬ Moto hutangulia mbele zake, Nao huwateketeza watesi wake pande zote.

⁴Umeme wake uliuangaza ulimwengu, Nchi ikaona ikatetemeka.

⁵Milima iliyeyuka kama nta mbele za BWANA, Mbele za Bwana wa dunia yote.

⁶Mbingu zimetangaza haki yake, Na watu wote wameuona utukufu wake.

⁷⑭ Na waaibishwe wote waabuduo sanamu, Wajivunao kwa vitu visivyofaa; Enyi miungu yote, msujuduni Yeye.

⁸Sayuni imesikia na kufurahi, Binti za Yuda walishangilia, Kwa sababu ya hukumu zako, Ee BWANA.

⁹⑮ Maana Wewe, BWANA, ndiwe Uliye juu, Juu sana kuliko nchi yote; Umetukuka sana juu ya miungu yote.

¹⁰⑯ Enyi mmpendao BWANA, uchukieni uovu; Huwalinda nafsi zao watauwa wake, Na kuwaokoa na mkono wa wasio haki.

¹¹Nuru humwangazia mwenye haki, Na furaha ni kwa wanyofu wa moyo.

¹²Enyi wenye haki, mfurahieni BWANA, Na kulishukuru jina lake takatifu.