Read kiswahili Zaburi 99 Bible Online

Zaburi 99 - kiswahili bible

Zaburi 99

¹⑳ BWANA ametamalaki, mataifa wanatetemeka; Ameketi juu ya makerubi, nchi inatikisika.

²BWANA ni mkuu katika Sayuni, Naye ametukuka juu ya mataifa yote.

³ Na walisifu jina lake kuu litishalo; Ndiye mtakatifu.

⁴ Mfalme mkuu[15] upendaye hukumu kwa haki; Umeiimarisha haki; Umefanya hukumu na haki katika Israeli.

⁵ Mtukuzeni BWANA, Mungu wetu; Sujuduni penye kiti cha miguu yake; Ndiye mtakatifu.

⁶Musa na Haruni walikuwa makuhani wake, Na Samweli pia ni miongoni mwa walioliitia jina lake, Walimlilia BWANA naye akawaitikia;

⁷ Akasema nao katika nguzo ya wingu. Wakashika shuhuda zake na amri aliyowapa.

⁸ Ee BWANA, Mungu wetu, ndiwe uliyewajibu; Ulikuwa kwao Mungu mwenye kusamehe Ingawa uliwapatiliza matendo yao.

⁹Mtukuzeni BWANA, Mungu wetu; Sujuduni mkiukabili mlima wake mtakatifu; Maana BWANA, Mungu wetu, ni mtakatifu.