Read kiswahili Mithali 16 Bible Online

Mithali 16 - kiswahili bible

Mithali 16

¹⑦ Maandalio ya moyo ni ya mwanadamu; Bali jawabu la ulimi hutoka kwa BWANA.

²⑧ Njia zote za mtu ni safi machoni pake mwenyewe; Bali BWANA huzipima roho za watu.

³Mkabidhi BWANA kazi zako, Na mawazo yako yatakuwa kweli.

⁴⑩ BWANA amefanya kila kitu kwa kusudi lake; Naam, hata wabaya kwa siku ya ubaya.

⁵Kila mwenye moyo wa kiburi ni chukizo kwa BWANA; Hakika, hatakosa adhabu.

⁶⑪ Kwa rehema na kweli uovu husafishwa; Kwa kumcha BWANA watu hujiepusha na maovu.

⁷⑫ Njia za mtu zikimpendeza BWANA, Hata adui zake huwapatanisha naye.

⁸Afadhali mali kidogo pamoja na haki, Kuliko mapato mengi pamoja na udhalimu.

⁹⑬ Moyo wa mtu huifikiri njia yake; Bali BWANA huziongoza hatua zake.

¹⁰Kukata maneno huwa katika midomo ya mfalme; Kinywa chake hakitakosa katika hukumu.

¹¹⑭ Mizani ya haki na vitanga vyake ni vya BWANA; Mawe yote ya mfukoni ni kazi yake.

¹²Wafalme wakitenda yasiyo haki ni chukizo; Maana kiti cha enzi huthibitika kwa haki.

¹³Midomo ya haki ni furaha ya wafalme; Nao humpenda yeye asemaye yaliyo sawa.

¹⁴Hasira ya mfalme ni kama wajumbe wa mauti; Lakini mtu mwenye hekima ataituliza.

¹⁵Kuna uhai katika nuru ya uso wa mfalme, Na fadhili zake ni kama wingu la masika.

¹⁶Si afadhali kupata hekima kuliko dhahabu? Naam, yafaa kuchagua ufahamu kuliko fedha.

¹⁷⑮ Njia kuu ya mwenye haki ni kujitenga na uovu; Yeye ashikaye njia yake huihifadhi nafsi yake.

¹⁸Kiburi hutangulia uangamivu; Na roho yenye kutakabari hutangulia maanguko.

¹⁹Afadhali kuwa na roho ya unyenyekevu pamoja na maskini, Kuliko kugawanya nyara pamoja na wenye kiburi.

²⁰⑯ Atakayelitafakari neno atapata mema; Na kila amwaminiye BWANA ana heri.

²¹Aliye na hekima moyoni ataitwa mwenye busara; Utamu wa maneno huongeza elimu.

²²Ufahamu ni chemchemi ya uzima kwake aliye nao; Bali kufundishwa kwa wapumbavu ni upuzi wao.

²³⑰ Moyo wake mwenye hekima hufundisha kinywa chake; Huzidisha elimu ya midomo yake.

²⁴Maneno yapendezayo ni kama sega la asali; Ni tamu nafsini, na afya mifupani.

²⁵⑱ Iko njia ionekanayo kuwa sawa machoni pa mtu; Lakini mwisho wake ni njia za mauti.

²⁶Nafsi yake mfanyakazi hujifanyia kazi; Maana kinywa chake humtia bidii.

²⁷Mtu asiyefaa kitu huchimba shimo la madhara; Katika midomo yake mna moto uteketezao.

²⁸Mtu mshupavu huleta fitina; Na mchongezi huwafarakanisha rafiki.

²⁹Mtu mkali humshawishi mwenzake; Humwongoza katika njia isiyo njema.

³⁰Afumbaye macho, kusudi lake ni kuwaza yaliyopotoka; Aikazaye midomo yake hutokeza mabaya.

³¹Kichwa chenye mvi ni taji la utukufu, Kama kikionekana katika njia ya haki.

³²Asiye mwepesi wa hasira ni mwema kuliko shujaa; Na mtu aitawalaye roho yake kuliko mtu atekaye mji.

³³Kura hutupwa katika mikunjo ya nguo; Lakini hukumu zake zote ni za BWANA.