Read kiswahili Mithali 20 Bible Online

Mithali 20 - kiswahili bible

Mithali 20

¹③ Mvinyo hudhihaki, kileo huleta ugomvi; Na akosaye kwa vitu hivyo hana hekima.

²Utisho wa mfalme ni kama ngurumo ya simba; Amkasirishaye huitendea dhambi nafsi yake.

³④ Mtu kujitenga na ugomvi ni heshima kwake; Bali kila mpumbavu ataka kugombana.

⁴Mtu mvivu hataki kulima wakati wa baridi; Hivyo wakati wa mavuno ataomba, hana kitu.

⁵Mashauri ya moyoni ni kama kilindi; Lakini mtu mwenye ufahamu atayateka.

⁶⑤ Wanadamu hutangaza kila mtu hisani yake mwenyewe; Bali mtu aliye mwaminifu, ni nani awezaye kumpata?

⁷Mwenye haki aendaye katika unyofu wake, Watoto wake wabarikiwa baada yake.

⁸Mfalme aketiye katika kiti cha hukumu, Huyapepeta mabaya yote kwa macho yake.

⁹⑥ Nani awezaye kusema, Nimesafisha moyo wangu; Nimetakasika dhambi yangu?

¹⁰Vipimo mbalimbali, na pishi mbalimbali, Vyote viwili ni chukizo kwa BWANA.

¹¹⑦ Hata mtoto hujijulisha kwa matendo yake; Kwamba kazi yake ni safi, kwamba ni adili.

¹²⑧ Sikio lisikialo, na jicho lionalo, BWANA ndiye aliyeyafanya yote mawili.

¹³⑩ Usipende usingizi usije ukawa maskini; Fumbua macho yako nawe utashiba chakula.

¹⁴Haifai kitu, haifai kitu, asema mnunuzi; Lakini akiisha kwenda zake hujisifu.

¹⁵Dhahabu iko, na marijani tele; Lakini midomo ya maarifa ni kito cha thamani.

¹⁶Twaa nguo yake amdhaminiye mgeni; Mtoze rehani aliye mdhamini wa wageni.

¹⁷Chakula cha uongo ni kitamu kwa mtu; Lakini halafu kinywa chake kitajaa changarawe.

¹⁸Kila kusudi huthibitika kwa kushauriana; Na kwa shauri la akili fanya vita.

¹⁹Mwenye udaku hufunua siri; Basi, usishirikiane naye afunuaye midomo yake sana.

²⁰⑪ Amlaaniye babaye au mamaye, Taa yake itazimika katika giza kuu.

²¹⑫ Urithi uliopatikana mwanzo kwa haraka, Mwisho wake, lakini, hautabarikiwa.

²²⑬ Usiseme, Mimi nitalipa mabaya; Mngojee BWANA, naye atakuokoa.

²³Vipimo mbalimbali ni chukizo kwa BWANA; Tena mizani ya hila si njema.

²⁴⑭ Mwenendo wa mtu watoka kwa BWANA; Basi, awezaje mtu kuelewa na njia yake?

²⁵Ni mtego, mtu aseme kwa haraka, Kitu hiki ni wakfu; Na baada ya kuweka nadhiri kuulizauliza habari.

²⁶Mfalme mwenye hekima huwapepeta wasio haki; Naye hulipitisha gurudumu la kupuria juu yao.

²⁷Pumzi ya mwanadamu ni taa ya BWANA; Hupeleleza yote yaliyomo ndani yake.

²⁸Fadhili na uaminifu humhifadhi mfalme, Na kiti chake cha enzi huthibitishwa kwa fadhili.

²⁹Fahari ya vijana ni nguvu zao, Na uzuri wa wazee ni kichwa chenye mvi.

³⁰Machubuko ya fimbo husafisha uovu, Na mapigo hufikia ndani ya mtima.