Read kiswahili Mithali 6 Bible Online

Mithali 6 - kiswahili bible

Mithali 6

¹ Mwanangu, kama umekuwa mdhamini wa rafiki yako, Ikiwa wewe na mgeni mmepeana mikono,

²Basi umetegwa kwa maneno ya kinywa chako, Umekamatwa kwa maneno ya kinywa chako,

³Sasa, mwanangu, fanya hivi ukajiokoe, Kwa kuwa umejitia mkononi mwa jirani yako; Nenda ukanyenyekee, na kumsihi jirani yako.

⁴ Usiache macho yako kupata usingizi, Wala kope za macho yako kusinzia.

⁵Ujiponye kama paa na mkono wa mwindaji, Na kama ndege katika mkono wa mtega mitego.

⁶ Ewe mvivu, mwendee chungu, Zitafakari njia zake ukapate hekima.

⁷Kwa maana yeye hana kiongozi, Wala msimamizi, wala mkuu,

⁸Lakini hujiwekea akiba ya chakula wakati wa jua; Hukusanya chakula chake wakati wa mavuno.

⁹Ewe mvivu, utalala hadi lini? Utaondoka lini katika usingizi wako?

¹⁰① Bado kulala kidogo, kusinzia kidogo, Bado kukunja mikono upate usingizi!

¹¹Hivyo umaskini wako huja kama mnyang'anyi, Na uhitaji wako kama mtu mwenye silaha.

¹²Mtu asiyefaa kitu, mtu wa uovu; Huenda njiani mwenye kinywa cha upotovu.

¹³② Hukonyeza kwa macho, hunena kwa miguu, Huwaashiria watu kwa vidole vyake.

¹⁴③ Mna upotovu moyoni mwake, hutunga uovu daima, Hupanda mbegu za magomvi.

¹⁵④ Basi msiba utampata kwa ghafla; Ghafla atavunjika, bila njia ya kupona.

¹⁶Kuna vitu sita anavyovichukia BWANA; Naam, viko saba vilivyo chukizo kwake.

¹⁷⑤ Macho ya kiburi, ulimi wa uongo, Na mikono imwagayo damu isiyo na hatia;

¹⁸⑥ Moyo uwazao mawazo mabaya; Miguu iliyo myepesi kukimbilia maovu;

¹⁹⑦ Shahidi wa uongo asemaye uongo; Naye apandaye mbegu za fitina kati ya ndugu.

²⁰⑧ Mwanangu, shika maagizo ya baba yako, Wala usiiache sheria ya mama yako.

²¹Yafunge hayo katika moyo wako daima; Jivike hayo shingoni mwako.

²²Uendapo yatakuongoza, ulalapo yatakulinda, Na uamkapo yatazungumza nawe.

²³⑩ Maana maagizo hayo ni taa, na sheria hiyo ni nuru, Na maonyo ya kumwadilisha mtu ni njia ya uzima.

²⁴Yakulinde na mwanamke mwovu, asikupate, Na kukuponya na ubembelezi wa mgeni.

²⁵⑪ Usiutamani uzuri wake moyoni mwako; Wala usikubali akunase kwa kope za macho yake.

²⁶⑫ Maana kwa malaya mtu hutiwa katika hali ya kuhitaji kipande cha mkate; Na kahaba humwinda mtu anase nafsi yake iliyo ya thamani

²⁷Je! Mtu aweza kuchukua moto kifuani pake, Na nguo zake zisiteketezwe?

²⁸Je! Mtu aweza kukanyaga makaa ya moto, Na nyayo zake zisiungue?

²⁹Ndivyo alivyo aingiaye kwa mke wa jirani yake; Kila mtu amgusaye huyo atakuwa na hatia.

³⁰Watu hawamdharau mwizi, Akiiba ili kujishibisha, iwapo aona njaa;

³¹⑬ Lakini akipatikana, atalipa mara saba; Atatoa mali yote ya nyumba yake.

³²⑭ Mtu aziniye na mwanamke hana akili kabisa; Afanya jambo litakalomwangamiza nafsi yake.

³³Atapata jeraha na kuvunjiwa heshima; Wala fedheha yake haitafutika.

³⁴Maana wivu ni ghadhabu ya mtu; Wala hatahurumia siku ya kujilipizia kisasi.

³⁵Hatakubali fidia yoyote; Wala hatakuwa radhi, ujapomlipa vitu vingi.