Read kiswahili Hesabu 33 Bible Online

Hesabu 33 - kiswahili bible

Hesabu 33

¹Hivi ndivyo vituo vya wana wa Israeli, hapo walipotoka nchi ya Misri kwa vikosi chini ya uongozi wa Musa na Haruni.

²Musa akaandika jinsi walivyotoka katika vituo, kituo baada ya kituo kwa kufuata amri ya BWANA; na hivi ndivyo vituo:

³ Wakasafiri kutoka Ramesesi mwezi wa kwanza, siku ya kumi na tano ya mwezi wa kwanza; siku ya pili baada ya Pasaka, wana wa Israeli wakatoka kwa uhodari mkubwa mbele ya macho ya Wamisri wote,

⁴ hapo Wamisri walipokuwa wanazika wazaliwa wa kwanza wao wote, BWANA aliokuwa amewapiga kati yao; BWANA akafanya hukumu juu ya miungu yao nayo.

⁵ Wana wa Israeli wakasafiri kutoka Ramesesi, wakapiga kambi katika Sukothi.

⁶ Kisha wakasafiri kutoka Sukothi, wakapiga kambi Ethamu, palipo katika mwisho wa nyika.

⁷ Wakasafiri kutoka Ethamu, na kurudi nyuma hata Pi-hahirothi palipokabili Baal-sefoni; wakapiga kambi mbele ya Migdoli.

⁸ Wakasafiri kutoka hapo mbele ya Hahirothi, wakapita katikati ya bahari na kuingia jangwani; kisha wakaenda safari ya siku tatu katika nyika ya Ethamu, wakapiga kambi Mara.

⁹Wakasafiri kutoka Mara, wakafika Elimu; huko Elimu palikuwa na chemchemi za maji kumi na mbili, na mitende sabini; nao wakapiga kambi Elimu.

¹⁰Wakasafiri kutoka Elimu wakapiga kambi karibu na Bahari ya Shamu.

¹¹ Wakasafiri kutoka Bahari ya Shamu, wakapiga kambi katika nyika ya Sini.

¹²Wakasafiri kutoka nyika ya Sini, wakapiga kambi Dofka.

¹³Wakasafiri kutoka Dofka, wakapiga kambi Alushi.

¹⁴ Wakasafiri kutoka Alushi, wakapiga kambi Refidimu, ambapo hapakuwa na maji ya watu kunywa.

¹⁵ Wakasafiri kutoka Refidimu, wakapiga kambi katika nyika ya Sinai.

¹⁶ Wakasafiri kutoka nyika ya Sinai, wakapiga kambi Kibroth-hataava.

¹⁷Wakasafiri kutoka Kibroth-hataava, wakapiga kambi Haserothi.

¹⁸ Wakasafiri kutoka Haserothi, wakapiga kambi Rithma.

¹⁹Wakasafiri kutoka Rithma, wakapiga kambi Rimon-peresi.

²⁰ Wakasafiri kutoka Rimon-peresi, wakapiga kambi Libna.

²¹Wakasafiri kutoka Libna, wakapiga kambi Risa.

²²Wakasafiri kutoka Risa, wakapiga kambi Keheletha.

²³Wakasafiri kutoka Keheletha, wakapiga kambi katika mlima wa Sheferi

²⁴Wakasafiri kutoka huo mlima wa Sheferi, wakapiga kambi Harada.

²⁵Wakasafiri kutoka Harada, wakapiga kambi Makelothi.

²⁶Wakasafiri kutoka Makelothi, wakapiga kambi Tahathi.

²⁷Wakasafiri kutoka Tahathi wakapiga kambi Tera.

²⁸Wakasafiri kutoka Tera, wakapiga kambi Mithka.

²⁹Wakasafiri kutoka Mithka, wakapiga kambi Hashmona.

³⁰ Wakasafiri kutoka Hashmona, wakapiga kambi Moserothi.

³¹Wakasafiri kutoka Moserothi, wakapiga kambi Bene-yaakani.

³² Wakasafiri kutoka Bene-yaakani, wakapiga kambi Hor-hagidgadi.

³³Wakasafiri kutoka Hor-hagidgadi, wakapiga kambi Yotbatha.

³⁴Wakasafiri kutoka Yotbatha, wakapiga kambi Abrona.

³⁵ Wakasafiri kutoka Abrona, wakapiga kambi Esion-geberi.

³⁶ Wakasafiri kutoka Esion-geberi, wakapiga kambi katika nyika ya Sini (ni Kadeshi).

³⁷① Wakasafiri kutoka Kadeshi wakapiga kambi katika mlima wa Hori, katika mpaka wa nchi ya Edomu,

³⁸② Haruni akakwea mlima wa Hori, kwa amri ya BWANA, akafa hapo, katika mwaka wa arubaini baada ya wana wa Israeli kutoka katika nchi ya Misri, mwezi wa tano, siku ya kwanza ya mwezi.

³⁹Naye Haruni alikuwa mtu wa umri wa miaka mia moja ishirini na mitatu hapo alipokufa katika mlima wa Hori.

⁴⁰③ Ndipo Mkanaani, mfalme wa Aradi, aliyekaa pande za Negebu katika nchi ya Kanaani akasikia habari za kuja kwao wana wa Israeli.

⁴¹Nao wakasafiri kutoka mlima wa Hori, wakapiga kambi Salmona.

⁴²Wakasafiri kutoka Salmona, wakapiga kambi Punoni.

⁴³Wakasafiri kutoka Punoni, wakapiga kambi Obothi.

⁴⁴Wakasafiri kutoka Obothi, wakapiga kambi Lye-abarimu, katika mpaka wa Moabu.

⁴⁵④ Wakasafiri kutoka Iye-abarimu, wakapiga kambi Dibon-gadi.

⁴⁶⑤ Wakasafiri kutoka Dibon-gadi, wakapiga kambi Almon-diblathaimu.

⁴⁷⑥ Wakasafiri kutoka Almon-diblathaimu, wakapiga kambi katika milima ya Abarimu, kukabili Nebo.

⁴⁸⑦ Wakasafiri kutoka hiyo milima ya Abarimu, wakapiga kambi katika nchi tambarare za Moabu, karibu na mto wa Yordani, hapo Yeriko.

⁴⁹Wakapiga kambi karibu na Yordani, tangu Beth-yeshimothi hata kufikia Abel-shitimu katika nchi tambarare za Moabu.

⁵⁰Kisha BWANA akanena na Musa hapo katika nchi tambarare za Moabu, karibu na Yordani, hapo Yeriko, na kumwambia,

⁵¹⑧ Nena na wana wa Israeli, uwaambie, Mtakapovuka mto wa Yordani na kuingia nchi ya Kanaani,

⁵²⑩ ndipo mtakapowafukuza wenyeji wote wa hiyo nchi mbele yenu, nanyi mtayaharibu mawe yao yote yenye kuchorwa sanamu, na kuziharibu sanamu zao zote za kusubu, kuvunjavunja mahali pao pote palipoinuka;

⁵³⑪ nanyi mtaishika hiyo nchi kuimiliki na kuishi humo; kwa kuwa mimi nimewapa ninyi hiyo nchi ili mwimiliki.

⁵⁴⑫ Nanyi mtairithi nchi kwa kufanya kura, kama jamaa zenu zilivyo; hao walio wengi mtawapa urithi zaidi, na hao waliopunguka utawapa kama kupunguka kwao; mahali popote kura itakapomwangukia mtu yeyote, mahali hapo ni pake; mtarithi kama makabila ya baba zenu yalivyo.

⁵⁵⑬ Lakini kama hamtaki kuwafukuza wenyeji wa nchi watoke mbele yenu; ndipo hao ambao mtawabakiza watakuwa kama sindano machoni mwenu, na kama miiba ubavuni mwenu, nao watawasumbua katika hiyo nchi ambayo mwakaa.

⁵⁶Kisha itakuwa, kama nilivyoazimia kuwatenda wao, ndivyo nitakavyowatenda ninyi.