Read kiswahili Mathayo 9 Bible Online

Mathayo 9 - kiswahili bible

Mathayo 9

¹⑦ Akapanda katika mashua, akavuka, akafika mjini kwao.⑧

²Na tazama, wakamletea mtu mwenye kupooza, akiwa amelala kitandani; naye Yesu, alipoiona imani yao, alimwambia yule mwenye kupooza, Jipe moyo mkuu, mwanangu, umesamehewa dhambi zako.

³⑩ Na tazama, baadhi ya waandishi wakasema nafsini mwao, Huyu anakufuru.

⁴⑪ Naye Yesu, hali akijua mawazo yao, akasema, Mbona mnawaza maovu mioyoni mwenu?

⁵Kwa maana rahisi ni lipi, ni kusema, Umesamehewa dhambi zako, au ni kusema, Ondoka, uende?

⁶Lakini mpate kujua ya kwamba Mwana wa Adamu anayo amri duniani ya kusamehe dhambi, (amwambia yule mwenye kupooza) Inuka, ujitwike kitanda chako, uende nyumbani kwako.

⁷Akaondoka, akaenda zake nyumbani kwake.

⁸Makutano walipomwona, walishikwa na hofu, wakamtukuza Mungu, aliyewapa watu amri ya namna hii.

⁹⑫ Naye Yesu alipokuwa akipita kutoka huko aliona mtu ameketi forodhani, aitwaye Mathayo, akamwambia, Nifuate. Akaondoka, akamfuata.

¹⁰⑬ Ikawa alipoketi nyumbani ale chakula, tazama, watoza ushuru wengi na wenye dhambi walikuja wakaketi pamoja na Yesu na wanafunzi wake.

¹¹Mafarisayo walipoona, waliwaambia wanafunzi wake, Mbona mwalimu wenu anakula pamoja na watoza ushuru na wenye dhambi?

¹²Naye aliposikia, aliwaambia, Wenye afya hawahitaji tabibu, bali walio wagonjwa.

¹³⑭ Lakini nendeni, mkajifunze maana yake maneno haya, Nataka rehema, wala si sadaka; kwa maana sikuja kuwaita wenye haki, bali wenye dhambi.

¹⁴⑮ Wakati ule wanafunzi wake Yohana wakamwendea, wakasema, Kwa nini sisi na Mafarisayo tunafunga, bali wanafunzi wako hawafungi?⑯

¹⁵⑰ Yesu akawaambia, Walioalikwa arusini wawezaje kuomboleza, muda bwana arusi akiwapo pamoja nao? Lakini siku zitakuja watakapoondolewa bwana arusi; ndipo watakapofunga.

¹⁶⑱ Hakuna mtu atiaye kiraka cha nguo mpya katika vazi kuukuu; maana kile kilichotiwa huondoa kipande cha lile vazi, na pale palipotatuka huzidi.

¹⁷Wala watu hawatii divai mpya katika viriba vikuukuu; na kama wakitia, vile viriba hupasuka, divai ikamwagika, na viriba vikaharibika; bali hutia divai mpya katika viriba vipya, vikahifadhika vyote.

¹⁸⑲ Alipokuwa akiwaambia hayo, tazama, akaja kiongozi mmoja, akamsujudia, akisema, Binti yangu sasa hivi amekufa; lakini njoo, uweke mkono wako juu yake, naye ataishi.

¹⁹Yesu Akaondoka, akamfuata, pamoja na wanafunzi wake.

²⁰Na tazama, mwanamke aliyekuwa na ugonjwa wa kutoka damu muda wa miaka kumi na miwili, alikuja kwa nyuma, akaugusa upindo wa vazi lake.

²¹⑳ Kwa maana alisema moyoni mwake, Nikigusa tu upindo wa vazi lake nitapona.

²²Yesu akageuka, akamwona, akamwambia, Jipe moyo mkuu, binti yangu; imani yako imekuponya. Yule mwanamke akapona tangu saa ile.

²³Yesu alipofika nyumbani kwa yule kiongozi, aliona wapiga filimbi, na makutano wakifanya maombolezo,

²⁴ akawaambia, Ondokeni; kwa maana msichana hakufa, amelala tu. Wakamcheka sana.

²⁵Lakini makutano walipoondoshwa, aliingia, akamshika mkono; yule msichana akasimama.

²⁶Habari hizi zikaenea katika nchi ile yote.

²⁷Yesu alipokuwa akipita kutoka huko, vipofu wawili wakamfuata wakipaza sauti, wakisema, Uturehemu, Mwana wa Daudi.

²⁸Naye alipofika nyumbani, wale vipofu walimwendea; Yesu akawaambia, Mnaamini kwamba naweza kufanya hili? Wakamwambia, Naam, Bwana.

²⁹ Ndipo alipowagusa macho, akasema, Kwa kadiri ya imani yenu na itendeke kwenu.

³⁰ Macho yao yakafumbuka. Naye Yesu akawaagiza kwa nguvu, akisema, Angalieni hata mtu mmoja asijue.

³¹Lakini wakatoka, wakaeneza habari zake katika nchi ile yote.

³²Na hao walipokuwa wakiondoka, tazama, walimletea mtu bubu mwenye pepo.

³³Na pepo alipotolewa, yule bubu alinena, makutano wakastaajabu, wakasema, Haijaonekana hivi katika Israeli wakati wowote.

³⁴ Lakini Mafarisayo wakasema, Kwa nguvu za mkuu wa pepo atoa pepo.

³⁵ Naye Yesu alikuwa akizunguka katika miji yote na vijiji, akifundisha katika masinagogi yao, na kuihubiri Habari Njema ya ufalme, na kuponya magonjwa yote na udhaifu wa kila aina.

³⁶ Na alipowaona makutano, aliwahurumia, kwa sababu walikuwa wamechoka na kutawanyika kama kondoo wasio na mchungaji.

³⁷ Ndipo alipowaambia wanafunzi wake, Mavuno ni mengi, lakini wafanya kazi ni wachache.

³⁸Basi mwombeni Bwana wa mavuno, atume wafanya kazi katika mavuno yake.