Read kiswahili Kumbukumbu la Torati 27 Bible Online

Kumbukumbu la Torati 27 - kiswahili bible

Kumbukumbu la Torati 27

¹Musa na wazee wa Israeli wakawaagiza wale watu wakawaambia, Shikeni maagizo yote niwaagizayo leo.

²① Na iwe, siku mtakayovuka Yordani kwenda nchi akupayo BWANA, Mungu wako, ujisimamishie mawe makubwa, ukayatalize matalizo,

³uyaandike maneno yote ya torati hii juu yake, utakapokwisha kuvuka; ili upate kuingia nchi akupayo BWANA, Mungu wako, nchi imiminikayo maziwa na asali, kama alivyokuahidi BWANA, Mungu wa baba zako.

⁴② Na iwe, mtakapokwisha vuka Yordani myasimamishe mawe haya, niwaagizayo hivi leo, katika mlima Ebali, nawe yatalize matalizo.

⁵③ Na huko umjengee madhabahu BWANA, Mungu wako, madhabahu ya mawe, usitumie chombo cha chuma juu yake.

⁶Jenga hiyo madhabahu ya BWANA, Mungu wako, kwa mawe yasiyochongwa; ukamtolee BWANA, Mungu wako, sadaka za kuteketezwa juu yake;

⁷ufanye na sadaka za amani, ukale huko; nawe furahi mbele za BWANA, Mungu wako.

⁸④ Kisha, andika juu ya mawe hayo maneno ya torati hii yote, waziwazi sana.

⁹Musa na makuhani Walawi wakawaambia Israeli wote wakasema, Nyamaza, usikize, Ee Israeli; leo umekuwa watu wa BWANA, Mungu wako.

¹⁰Basi isikize sauti ya BWANA, Mungu wako, ufanye maagizo yake na amri zake nikuagizavyo leo.

¹¹Musa akawaagiza wale watu siku iyo hiyo, akasema,

¹²⑤ Hawa na wasimame juu ya mlima wa Gerizimu kwa kuwabarikia watu, mkiisha vuka Yordani; Simeoni, na Lawi, na Yuda, na Isakari, na Yusufu, na Benyamini;

¹³na hawa na wasimame juu ya mlima wa Ebali kwa laana; Reubeni, na Gadi, na Asheri, na Zabuloni, na Dani, na Naftali.

¹⁴⑥ Kisha Walawi na wajibu, wawaambie watu wote wa Israeli kwa sauti kuu,

¹⁵⑦ Na alaaniwe mtu afanyaye sanamu ya kuchonga, au ya kusubu, machukizo kwa BWANA, kazi ya mikono ya fundi, akaisimamisha kwa siri. Na watu wote wajibu, waseme, Amina.

¹⁶⑧ Na alaaniwe amdharauye baba yake au mama yake. Na watu wote waseme, Amina.

¹⁷⑩ Na alaaniwe aondoaye mpaka wa jirani yake. Na watu wote waseme, Amina.

¹⁸⑪ Na alaaniwe ampotezaye kipofu akakosa njia. Na watu wote waseme, Amina.

¹⁹⑫ Na alaaniwe apotoaye hukumu ya mgeni, na yatima, na mjane aliyefiliwa na mumewe. Na watu wote waseme, Amina.

²⁰⑬ Na alaaniwe alalaye na mke wa baba yake, kwa kuwa amefunua mavazi ya babaye. Na watu wote waseme, Amina.

²¹⑭ Na alaaniwe alalaye na mnyama wa aina yoyote. Na watu wote waseme, Amina.

²²⑮ Na alaaniwe alalaye na dada yake, binti ya babaye, au binti ya mamaye. Na watu wote waseme, Amina.

²³⑯ Na alaaniwe alalaye na mkwewe, mamaye mkewe. Na watu wote waseme, Amina.

²⁴⑰ Na alaaniwe ampigaye mwenzake kwa siri. Na watu wote waseme Amina.

²⁵⑱ Na alaaniwe atwaaye ujira wa kumwua asiye makosa. Na watu wote waseme, Amina.

²⁶⑲ Na alaaniwe asiyeyaweka imara maneno ya torati hii kwa kuyafanya. Na watu wote waseme, Amina.