Read kiswahili Wagalatia 5 Bible Online

Wagalatia 5 - kiswahili bible

Wagalatia 5

¹ Katika uhuru huo Kristo alituweka huru; kwa hiyo simameni, wala msinaswe tena chini ya kongwa la utumwa.

²① Tazama, mimi Paulo nawaambia ninyi ya kwamba, mkitahiriwa, Kristo hatawafaidi neno.

³Tena namshuhudia kila mtu atahiriwaye, kwamba ni wajibu wake kuitimiza torati yote.

⁴Mmetengwa na Kristo, ninyi mtakao kuhesabiwa haki kwa sheria; mmeanguka na kutoka katika hali ya neema.

⁵Maana sisi kwa Roho tunalitazamia tumaini la haki kwa njia ya imani.

⁶② Maana katika Kristo Yesu kutahiriwa hakufai neno, wala kutotahiriwa, bali imani itendayo kazi kwa upendo.

⁷Mlikuwa mkipiga mbio vizuri; ni nani aliyewazuia msiitii kweli?

⁸③ Kushawishi huku hakukutoka kwake yeye anayewaita ninyi.

⁹④ Chachu kidogo huchachua donge zima.

¹⁰⑤ Nina matumaini kwenu katika Bwana, ya kwamba hamtakuwa na nia ya namna nyingine. Lakini yeye anayewasumbua atachukua hukumu yake, awaye yote.

¹¹⑥ Nami, ndugu zangu ikiwa ninahubiri habari ya kutahiriwa, kwa nini ningali ninaudhiwa? Kwa kufanya hivyo kikwazo cha msalaba kimeondolewa!

¹²⑦ Laiti hao wanaowatia mashaka wangejikata nafsi zao!

¹³⑧ Maana ninyi, ndugu, mliitwa mpate uhuru; lakini uhuru wenu usiwe sababu ya kuufuata mwili, bali tumikianeni kwa upendo.

¹⁴⑩ Maana torati yote imetimilika katika neno moja, nalo ni hili, Umpende jirani yako kama nafsi yako.

¹⁵Lakini mkiumana na kulana, angalieni msije mkaangamizana.

¹⁶Basi nasema, Nendeni kwa Roho, wala hamtazitimiza kamwe tamaa za mwili.

¹⁷⑪ Kwa sababu mwili hutamani ukishindana na Roho, na Roho kushindana na mwili; kwa maana hizi zimepingana, hata hamwezi kufanya mnayotaka.

¹⁸⑫ Lakini mkiongozwa na Roho, hampo chini ya sheria.

¹⁹⑬ Basi matendo ya mwili ni dhahiri, ndiyo haya, uasherati, uchafu, ufisadi,

²⁰ibada ya sanamu, uchawi, uadui, ugomvi, wivu, hasira, fitina, mafarakano, uzushi,

²¹⑭ husuda, ulevi, ulafi, na mambo yanayofanana na hayo, katika hayo nawaambia mapema, kama nilivyokwisha kuwaambia, ya kwamba watu watendao mambo ya jinsi hiyo hawataurithi ufalme wa Mungu.

²²⑮ Lakini tunda la Roho ni upendo, furaha, amani, uvumilivu, utu wema, fadhili, uaminifu,

²³⑯ upole, kiasi; juu ya mambo kama hayo hakuna sheria.

²⁴⑰ Na hao walio wa Kristo Yesu wameusulubisha mwili pamoja na mawazo yake mabaya na tamaa zake.

²⁵⑱ Tukiishi kwa Roho, na tuenende kwa Roho.

²⁶⑲ Tusijisifu bure, tukichokozana na kuhusudiana.