Read kiswahili Waefeso 5 Bible Online

Waefeso 5 - kiswahili bible

Waefeso 5

¹⑲ Hivyo mwigeni Mungu, kama watoto wanaopendwa;

²⑳ mkaende katika upendo, kama Kristo naye alivyowapenda ninyi tena akajitoa kwa ajili yetu, sadaka na dhabihu kwa Mungu, kuwa harufu ya manukato.

³ Lakini uasherati usitajwe kwenu kamwe, wala uchafu wowote wa kutamani, kama iwastahilivyo watakatifu;

⁴ wala aibu wala maneno ya upuzi wala ubishi; hayo hayapendezi; bali kuwepo kushukuru.

⁵ Maana neno hili mnalijua hakika, ya kwamba hakuna mwasherati wala mchafu wala mwenye tamaa, (ndiye mwabudu sanamu), aliye na urithi katika ufalme wa Kristo na Mungu.

⁶ Mtu asiwadanganye kwa maneno yasiyo na maana; kwa kuwa kwa sababu ya hayo hasira ya Mungu huwajia wana wa uasi.

⁷Basi msishirikiane nao.

⁸ Kwa maana zamani ninyi mlikuwa giza, bali sasa mmekuwa nuru katika Bwana; nendeni kama watoto wa nuru,

⁹kwa kuwa tunda la nuru ni katika wema wote na haki na kweli;

¹⁰ mkihakiki ni nini impendezayo Bwana.

¹¹ Wala msishirikiane na matendo yasiyozaa ya giza, bali myakemee;

¹² kwa kuwa yanayotendeka kwao kwa siri, ni aibu hata kuyanena.

¹³ Lakini chochote kinachoangazwa na nuru hudhihirishwa, maana chochote kile kilichoadhihirika ni nuru.

¹⁴ Hivyo husema, Amka, wewe usinziaye, Ufufuke katika wafu, Na Kristo atakuangaza.

¹⁵ Basi angalieni sana jinsi mnavyoenda; si kama watu wasio na hekima bali kama watu wenye hekima;

¹⁶ mkiukomboa wakati kwa maana nyakati hizi ni za uovu.

¹⁷ Kwa sababu hiyo msiwe wajinga, bali mfahamu ni nini yaliyo mapenzi ya Bwana.

¹⁸ Tena msilewe kwa mvinyo, ambamo mna ufisadi; bali mjazwe Roho;

¹⁹ mkisemezana kwa zaburi na tenzi na nyimbo za rohoni, huku mkiimba na kumshangilia Bwana mioyoni mwenu;

²⁰ na kumshukuru Mungu Baba sikuzote kwa mambo yote, katika jina lake Bwana wetu Yesu Kristo.

²¹ Hali mnanyenyekeana katika kicho cha Kristo.

²² Enyi wake, watiini waume zenu kama kumtii Bwana wetu.

²³ Kwa maana mume ni kichwa cha mkewe, kama Kristo naye ni kichwa cha kanisa; naye ni mwokozi wa mwili.

²⁴Lakini kama vile kanisa limtiivyo Kristo vivyo hivyo wake nao wawatii waume zao katika kila jambo.

²⁵ Enyi waume, wapendeni wake zenu, kama Kristo naye alivyolipenda kanisa, akajitoa kwa ajili yake;

²⁶ ili makusudi alitakase na kulisafisha kwa maji katika neno;

²⁷ apate kujiletea kanisa tukufu, lisilo na dosari wala kunyanzi wala lolote kama hayo; bali liwe takatifu lisilo na mawaa.

²⁸Vivyo hivyo imewapasa waume nao kuwapenda wake zao kama miili yao wenyewe. Ampendaye mkewe hujipenda mwenyewe.

²⁹Maana hakuna mtu anayeuchukia mwili wake popote; bali huulisha na kuutunza, kama Kristo naye anavyolitendea kanisa.

³⁰ Kwa kuwa tu viungo vya mwili wake.

³¹ Kwa sababu hiyo mtu atamwacha baba yake na mama yake, ataambatana na mkewe na hao wawili watakuwa mwili mmoja.

³² Siri hiyo ni kubwa; ila mimi nanena habari ya Kristo na kanisa.

³³Lakini kila mtu ampende mke wake kama nafsi yake mwenyewe; wala mke asikose kumstahi mumewe.