Read kiswahili Tito 2 Bible Online

Tito 2 - kiswahili bible

Tito 2

¹ Lakini wewe, nena mambo yanayoambatana na mafundisho mema;

² ya kwamba wazee wawe wenye kiasi, wastahivu, wenye busara, wazima katika imani na katika upendo na katika subira.

³ Vivyo hivyo na wazee wa kike wawe na mwenendo wa utakatifu; wasiwe wasingiziaji, wasiwe wenye kutumia mvinyo nyingi, bali wanaofundisha yaliyo mema;

⁴ili wawatie wanawake vijana akili, wawapende waume zao, na kuwapenda watoto wao;

⁵ na kuwa wenye kiasi, kuwa safi, kufanya kazi nyumbani mwao, kuwa wema, kuwatii waume zao wenyewe; ili neno la Mungu lisitukanwe.

⁶Vivyo hivyo na vijana waume uwaonye kuwa na kiasi;

⁷ katika mambo yote ukijionesha wewe mwenyewe kuwa kielelezo cha matendo mema, na katika mafundisho yako ukionesha usahihi na ustahivu,

⁸ na maneno yafaayo yasiyoweza kuhukumiwa makosa, ili yule mwenye kupinga atahayarike, kwa kuwa hana neno baya la kunena juu yetu.

⁹ Watumwa na wawatii bwana zao, wakiwapendeza katika mambo yote; wasiwe wakaidi,

¹⁰ wasiwe wezi; bali wauoneshe uaminifu mwema wote, ili wayapambe mafundisho ya Mungu aliye Mwokozi wetu katika mambo yote.

¹¹Maana neema ya Mungu iwaokoao wanadamu wote imefunuliwa;

¹² nayo yatufundisha kukataa ubaya na tamaa za kidunia; tupate kuishi kwa kiasi, na haki, na utauwa, katika ulimwengu huu wa sasa;

¹³ tukilitazamia tumaini lenye baraka na kufunuliwa kwa utukufu wa Kristo Yesu, Mungu mkuu na Mwokozi wetu;

¹⁴ ambaye alijitoa nafsi yake kwa ajili yetu, ili atukomboe na maasi yote, na kujisafishia watu wake mwenyewe walio na bidii katika matendo mema.

¹⁵ Nena mambo hayo, onya na kukaripia kwa mamlaka yote; asikudharau mtu awaye yote.