Read koho Sơnròp Gơlik Gơs 28 Bible Online

Sơnròp Gơlik Gơs 28 - koho bible

Sơnròp Gơlik Gơs 28

¹Isak hòi Jakôp, ai lơngai khai in mơ sồr lah: “Mê bañ sac rwah dô nă cau ùr lơi tòm ală cau ơruh Kanaan nàng bau.

²Ñă tĕ lòt hơ lơgar Padan Aram, tus hơ hìu Bethuel dê, bèp mè mê, mơ lùp bau mơ dô nă cau ơruh tòm ală kòn ùr Laban, bi mè mê dê tềng hơ̆.

³Dan Yàng Tom Trồ Gơnap Gơnoar Làm Jơh ai lơngai mê in, lơh mê in tơnggơs bơtơl oă mơ gơlik gơs dô mpồl làng bol dờng.

⁴Dan Kơnràñ ai mê mơ jơi bơtiàn mê in lơngai lơngò Abraham dê, nàng mê lơh gơs sre brê tòm lơgar mê ơm ing, hơ̆ la lơgar Kơnràñ neh ai Abraham in.”

⁵Gen Isak sồr Jakôp lòt hơ Padan Aram, tus hơ hìu Laban dê, kòn klau Bethuel cau Aram, la bi Rebeka, mè Jakôp mơ Esau.

⁶Esau gŏ Isak neh ai lơngai Jakôp in, mơ sồr khai lòt hơ lơgar Padan Aram nàng jòi bau, mơ tòm tŭ khai ai lơngai Jakôp in khai neh sồr lah: “Bañ jòi bau tòm ală cau ơruh Kanaan dê”,

⁷kung neh gŏ Jakôp jat jơnau mè bèp mơ lòt tus hơ lơgar Padan Aram,

⁸gen Esau git lah ală cau ơruh Kanaan dê ò niam nùs Isak bèp khai,

⁹gen tàng Esau lòt tus di hìu Ismael. Khai neh gơs bàr nă bau rau, mơ khai kòñ bau tai mơ Mahalat, kòn ùr Ismael dê, kòn klau Abraham dê, la oh ùr Nebayôt dê.

¹⁰Jakôp bơh Beerseba lòt hơ Haran.

¹¹Khai tus di dô bă tiah ne, mattơngai neh mut, gen khai bic mang tềng hơ̆. Khai ai dô pơnai lŭ gòl bồ mơ bic.

¹²Gen khai gơs dô bơta mpau, gŏ dô nơm ntùng bơh ù tus hơ trồ, ală cau gơnrơh Yàng Tom Trồ dê guh mơ mù di ntùng hơ̆.

¹³Do, Yàng Jehôwa ntào di bồ ntùng mơ đơs lah: “Añ la Jehôwa Yàng Tom Trồ Abraham ồng mê dê mơ la Yàng Tom Trồ Isak dê. Añ rơp ai mê mơ jơi bơtiàn mê in ù mê bic do.

¹⁴Jơi bơtiàn mê rơp gơs oă be thul hơđang ù. Mê rơp gơlik gơs lìu làc làm jơh tòm đah mattơngai lik, đah mattơngai mut, đah đang mơ đah đơm, mơ jơh ală hìu nhă tòm lơgar dunnia rơp kơnòm di mê mơ jơi bơtiàn mê mơ geh lơngai.

¹⁵Mơ Añ ơm bal mơ mê, mê lòt tiah lơi Añ rơp sền gàr mê tềng hơ̆ mơ cèng mê rê wơl hơ lơgar do, bơh Añ ò gơs tŭ lơi sang mê tus di tŭ Añ neh lơh sir rau ală bơta Añ neh ho mơ mê.”

¹⁶Jakôp kah rngal mơ đơs lah: “Ngan, gơs Yàng Jehôwa tềng do mơya añ ò git!”

¹⁷Khai rngòt mơ đơs lah: “Tiah do pal rngòt ngan! Do ngan la hìu Yàng Tom Trồ, ngan la mpồng trồ dê.”

¹⁸Khai guh bơh drim, ai pơnai lŭ mơ khai neh gòl bồ, bơtào lơh jrong, khai tuh mơñà hơđang bồ jrong hơ̆;

¹⁹gen khai sơnđan tiah hơ̆ la Betel, ai bơh lài sơnđan ƀòn hơ̆ la Lus.

²⁰Mơ Jakôp ho lah: “Dilah Yàng Tom Trồ ơm bal mơ añ, sền gàr añ tòm tŭ añ lòt gùng, ai añ in piang sào ào soh,

²¹mơ dilah añ rê wơl lơngap lơngai tus hơ hìu bèp añ, gen Yàng Jehôwa rơp la Yàng Tom Trồ añ jê.

²²Pơnai lŭ mơ añ neh bơtào lơh jrong rơp la hìu Yàng Tom Trồ, mơ tòm jơh ală phan Kơnràñ rơp ai añ in, añ rơp ơn wơl dô pơnah jơt.”