Read koho Sơnròp Gơlik Gơs 36 Bible Online

Sơnròp Gơlik Gơs 36 - koho bible

Sơnròp Gơlik Gơs 36

¹Do la jơi bơtiàn Esau dê, hơ̆ la Edôm.

²Esau bau mơ ală bau khai dê bơh ală cau ơruh tòm lơgar Kanaan; Ada, kòn ùr Elôn, cau Hetit, mơ Ôhôlibama kòn ùr Ana, kòn ùr Jibeôn, cau Hebit dê.

³Mơ Basmat, kòn ùr Ismael dê la oh ùr Nebayôt.

⁴Ada deh Eliphas Esau in, Basmat deh Reuel;

⁵mơ Ôhôlibama deh Jeus, Jalam mơ Kôra. Hơ̆ la ală kòn klau Esau dê, deh tòm lơgar Kanaan.

⁶Esau lam ală bau, ală kòn klau, kòn ùr khai dê, jơh ală cau tòm hìu nhă, ală mpồl belàt, phan poan jơng khai dê mơ ală phan khai neh tơnggơs tòm lơgar Kanaan, lòt hơ lơgar ndai, ngài bơh Jakôp oh khai dê.

⁷Tài bơh bàr nă oh mi khai dê gơs oă phan mơna, oă mpồl phan poan jơng, mơ lơgar bol khai dê ơm ing ò tơl tiah nàng ròng gơ, gen ơm bal mơ gơp ò diơng.

⁸Esau hơ̆ la Edôm, ơm hơđang mơnơm Seir.

⁹Do la jơi bơtiàn Esau, ồng pàng Edôm dê, hơđang mơnơm Seir.

¹⁰Do la sơnđan ală kòn klau Esau dê: Ada, bau khai dê, deh Eliphas; Basmat, bau khai dê kung deh Reuel.

¹¹Ală kòn klau Eliphas dê la Theman, Ômar, Sephô, Gatham, mơ Kenas.

¹²Thimna, bau cồng Eliphas, kòn klau Esau dê, deh Amalek khai in. Hơ̆ la ală sau Ada, bau Esau dê.

¹³Mơ do la ală kòn klau Reuel dê: Nahat, Serah mơ Mitsa. Hơ̆ la ală sau Basmat dê sơl.

¹⁴Mơ do la ală kòn klau Ôhôlibama, bau Esau dê, kòn ùr Ana, sau Jibeôn. Khai deh Esau in Jeus, Jalam mơ Kôra.

¹⁵Do la ală kwang ƀòn tòm ală kòn sau Esau dê: Ală kòn klau Eliphas, kòn tơnhoa Esau dê la kwang ƀòn Ômar, kwang ƀòn Sephô, kwang ƀòn Kenas,

¹⁶kwang ƀòn Kôra, kwang ƀòn Gatham mơ kwang ƀòn Amalek. Hơ̆ la ală kwang ƀòn tơnggơs bơh Eliphas, tòm lơgar Edôm, mơ la ală kòn sau Ada dê.

¹⁷Do la ală kòn klau Reuel, kòn Esau dê: kwang ƀòn Nahat, kwang ƀòn Jerah, kwang ƀòn Samma, mơ kwang ƀòn Mitsa. Hơ̆ la ală kwang ƀòn tơnggơs bơh Reuel tòm lơgar Edôm mơ la ală kòn sau Basmat, bau Esau dê.

¹⁸Do la ală kòn klau Ôhôlibama, bau Esau dê: kwang ƀòn Jalam mơ kwang ƀòn Kôra. Hơ̆ la ală kwang ƀòn tơnggơs bơh Ôhôlibama, bau Esau, kòn ùr Ana dê.

¹⁹Hơ̆ la ală kòn klau Esau dê, khai la Edôm mơ hơ̆ la ală kwang ƀòn bol khai dê.

²⁰Do la kòn klau Seir dê, cau Hôrit, ală cau bơh yau ơm tòm lơgar hơ̆: Lôthan, Sôbal, Jibeôn, Ana,

²¹Disôn, Ejer, mơ Disan. Hơ̆ la ală kwang ƀòn Hôrit, ală kòn klau Seir, tòm lơgar Edôm.

²²Ală kòn klau Lôthan dê la Hôri, mơ Heman, ai oh ùr Lôthan la Thimna.

²³Do la ală kòn Sôbal dê: Alban, Manahat, Ebal, Sephô, mơ Ônam.

²⁴Do la ală kòn Jibeôn dê: Aiah mơ Ana. Hơ̆ la Ana mơ neh bàn dà cat duh tòm ƀlàng bràs, tòm tŭ khai ê alàng Jibeôn, bèp khai dê.

²⁵Do la ală kòn Ana dê: Disôn mơ Ôhôlibama, kòn ùr Ana dê.

²⁶Do la ală kòn Disôn dê: Hemdan, Esban, Jitran mơ Keran.

²⁷Do la ală kòn Ejer dê: Bilhan, Saban, mơ Akan.

²⁸Do la ală kòn Disan dê: Us mơ Aran.

²⁹Do la ală kwang ƀòn lơgar Hôrit dê: kwang ƀòn lơgar Hôrit dê: kwang ƀòn Lôthan, kwang ƀòn Sôbal, kwang ƀòn Jibeôn, kwang ƀòn Ana,

³⁰kwang ƀòn Disôn, kwang ƀòn Ejer mơ kwang ƀòn Disan. Hơ̆ la ală kwang ƀòn làng bol Hôrit dê tòm lơgar Seir.

³¹Lài mơ tŭ làng bol Israel òhềt gơs dô bơtau lơi at bồ bol khai, gen do la ală bơtau at bồ lơgar Edôm:

³²Bela, kòn klau Beôr, at bồ lơgar Edôm, sơnđan ƀòn khai la Dinhaba.

³³Chơt bơtau Bela, gen Jôbap kòn klau Jerah dê, cau Bôsra, at bồ ala khai.

³⁴Chơt bơtau Jôbap, gen Husam, cau lơgar Theman at bồ ala khai.

³⁵Chơt bơtau Husam, gen Hadat, kòn klau Bedat dê, at bồ ala khai. Hơ̆ la bơtau pha rlau mơ làng bol Midian tòm ƀlàng Môap. Mơ sơnđan ƀòn khai la Abit.

³⁶Chơt bơtau Hadat, gen Samla, cau Masrekah, at bồ khai.

³⁷Chơt bơtau Samla, gen Sol, cau Rehôbôt ơm di gah hiòng, at bồ ala khai.

³⁸Chơt bơtau Sol, gen Baal Hanan, kòn klau Akbor dê, at bồ ala khai.

³⁹Chơt bơtau Baal Hanan, kòn klau Akbor, gen Hadar, at bồ ala khai. Sơnđan ƀòn khai dê la Pau; bau khai la Mehetabel, kòn ùr Matret dê, kòn ùr Mesahap.

⁴⁰Do la ală kwang ƀòn tơnggơs bơh Esau, kòp jat hìu nhă bol khai dê, kơnhwàl lơgar bol khai dê, mơ ală sơnđan bol khai dê: kwang ƀòn Thimna, kwang ƀòn Alba, kwang ƀòn Jethet,

⁴¹kwang ƀòn Ôhôlibama, kwang ƀòn Ela, kwang ƀòn Phinôn,

⁴²kwang ƀòn Kenas, kwang ƀòn Theman, kwang ƀòn Mipsar,

⁴³kwang ƀòn Makdiel, mơ kwang ƀòn Iram. Hơ̆ la ală kwang ƀòn Edôm dê jat hìu nhă tòm lơgar bol khai dê. Hơ̆ la Esau ồng pàng làng bol Edôm dê.