Read koho Sơnròp Gơlik Gơs 5 Bible Online

Sơnròp Gơlik Gơs 5 - koho bible

Sơnròp Gơlik Gơs 5

¹Do la sră cih sơnđan jơi bơtiàn Adam dê. Tòm tŭ Yàng Tom Trồ crơng gơs jơi kòn mơnus gen Kơnràñ lơh jơi kòn mơnus in be rùp Yàng Tom Trồ.

²Kơnràñ crơng gơs cau klau mơ cau ùr, ai lơngai lơngò bol khai in, mơ tòm tŭ neh crơng gơs gen sơnđan la kòn mơnus.

³Mơ tai, Adam neh tơl dô rhiang pe jơt nam deh dô nă kòn klau be rùp khai dê, sơnđan la Set.

⁴Tơnơ̆ mơ tŭ Adam tơnggơs Set rau, gam kis phàm rhiang nam tơnggơs kòn klau kòn ùr.

⁵Behơ̆ Adam kis sin rhiang pe jơt nam gen chơt.

⁶Set neh tơl dô rhiang pram nam tơnggơs Enôs.

⁷Tơnơ̆ mơ tŭ Set tơnggơs Enôs rau, khai gam kis phàm rhiang poh nam, tơnggơs kòn klau kòn ùr.

⁸Behơ̆ Set kis sin rhiang jơt bàr nam, gen chơt.

⁹Enôs neh tơl sin jơt nam tơnggơs Kenan.

¹⁰Tơnơ̆ mơ tŭ Enôs tơnggơs Kenan rau, khai gam kis phàm rhiang jơt pram nam, tơnggơs kòn klau kòn ùr.

¹¹Behơ̆ Enôs kis sin rhiang pram nam, gen chơt.

¹²Kenan neh tơl poh jơt nam tơnggơs Mahalalel.

¹³Tơnơ̆ mơ tŭ Kenan tơnggơs Mahalalel rau, khai gam kis phàm rhiang poan jơt nam, tơnggơs kòn klau kòn ùr.

¹⁴Behơ̆ Kenan kis sin rhiang jơt nam gen chơt.

¹⁵Mahalalel neh tơl prau jơt pram nam, tơnggơs Jeret.

¹⁶Tơnơ̆ mơ tŭ Mahalalel tơnggơs Jeret, khai gam kis phàm rhiang pe jơt nam, tơnggơs kòn klau kòn ùr.

¹⁷Behơ̆ Mahalalel kis phàm rhiang sin jơt pram nam gen chơt.

¹⁸Jeret neh tơl dô rhiang prau jơt bàr nam, tơnggơs Enôk.

¹⁹Tơnơ̆ tŭ Jeret tơnggơs Enôk rau, khai gam kis phàm rhiang nam, tơnggơs kòn klau kòn ùr.

²⁰Behơ̆ Jeret kis sin rhiang prau jơt bàr nam gen chơt.

²¹Enôk neh tơl prau jơt pram nam, tơnggơs Metusela.

²²Tơnơ̆ mơ tŭ Enôk tơnggơs Metusela rau, khai lòt bal mơ Yàng Tom Trồ tòm pe rhiang nam, tơnggơs kòn klau kòn ùr.

²³Behơ̆ Enôk kis pe rhiang prau jơt pram nam.

²⁴Enôk lòt bal mơ Yàng Tom Trồ gen roh thit tài bơh Yàng Tom Trồ cèng khai.

²⁵Metusela neh tơl dô rhiang phàm jơt poh nam, tơnggơs Lemek.

²⁶Tơnơ̆ mơ tŭ Metusela tơnggơs Lemek rau, khai gam kis poh rhiang phàm jơt bàr nam, tơnggơs kòn klau kòn ùr.

²⁷Behơ̆ Metusela kis sin rhiang prau jơt sin nam, gen chơt.

²⁸Lemek neh tơl dô rhiang phàm jơt bàr nam, tơnggơs dô nă kòn klau.

²⁹Khai tơmoh sơnđan la Nôe mơ đơs lah: “Cau do rơp pơndòm pơniang nùs bol he tài bơh broă bòl glar mơ tê bol he pal lơh tài bơh ù Yàng Jehôwa neh srat sơntơm.”

³⁰Tơnơ̆ mơ tŭ Lemek tơnggơs Nôe rau, gen khai gam kis pram rhiang sin jơt pram nam, tơnggơs kòn klau kòn ùr.

³¹Behơ̆ Lemek kis poh rhiang poh jơt poh nam gen chơt.

³²Mơ Nôe neh tơl pram rhiang nam, tơnggơs Sem, Cam mơ Japhet.