Read koho II Ală Bơtau 5 Bible Online

II Ală Bơtau 5 - koho bible

II Ală Bơtau 5

¹Naaman, kwang dờng at bồ mpồl ling bơtau Aram dê, la dô nă cau gơs gơnoar mơ geh dờng ryŭ di dap cau tòm khai, bơh khai Yàng Jehôwa cèng bơta pha lin cau Aram in. Bulah cau do la dô nă cau ling jak mơ pràn kơldang, gơkòl jê sồt bơh kòp dun.

²Tŭ hơ̆, dô mpồl ling kơp brồ lơh bơh cau Aram neh kup geh dô nă kòn ùr bơh lơgar Israel, mơ kòn ùr hơ̆ duh broă bau ùr Naaman dê.

³Khai đơs mơ mò cau tòm khai lah: “Dilah cau tòm añ lòt tus hơ cau gơnoar hwơr tòm Samari! Khai rơp dong tă cau tòm añ bơh kòp dun.”

⁴Behơ̆ Naaman lòt yal mơ cau tòm khai in ală jơnau kòn ùr bơh Israel neh đơs.

⁵Bơtau Aram đơs lah: “Gen lòt tĕ, añ rơp pơyoa dô pang sră pơyoa bơtau Israel in.” Khai lòt cèng bal jơt talơng priă, prau rbô đong màh, mơ jơt yô ào.

⁶Khai cèng sră pơyoa bơtau Israel in; khai sền sră cih lah: “Tòm tŭ sră pơyoa do tus hơ bơtau, git tĕ lah añ neh sồr cau duh broă añ la Naaman lòt tus hơ bơtau, nàng bơtau dong tă khai bơh bơta kòp dun khai dê.”

⁷Tòm tŭ bơtau Israel sền sră pơyoa, khai crè ồi ào mơ đơs lah: Tòm tŭ bơtau Israel sền sră pơyoa, khai crè ồi ào khai dê mơ đơs lah: “Añ la Yàng Tom Trồ nàng ai bơta chơt hala bơta kis, gen tàng cau do pơyoa jơnau tus hơ añ nàng dong tă dô nă cau bơh bơta kòp dun khai dê sơl ơ? Sền tĕ mơ gŏ mbe khai lòng tồ jòi bơta tòmdră mơ añ.”

⁸Mơya tòm tŭ Elise, cau Yàng Tom Trồ dê, kơno lah bơtau Israel neh crè ồi ào khai dê, gen sồr cau đơs mơ bơtau lah: “Ñchi bơh tài bơtau crè ồi ào? Lòi tĕ Naaman tus hơ añ, nàng khai rgơi git lah gơs dô nă cau gơnoar hwơr tòm Israel.”

⁹Behơ̆, Naaman tus bal mơ ơseh mơ rơndeh, dơh wơl di đap mpồng hìu Elise dê.

¹⁰Elise sồr dô nă cau lòt đơs mơ khai lah: “Lòt tĕ um poh dơ̆ tòm hiòng Jordan, mơ poac mê rơp geh bòi wơl, mơ mê rơp geh goh.”

¹¹Mơya Naaman gơhào gơjrañ, lik lòt ndang đơs ndang, lah: “Añ kơlôi lah tài bơh añ gen ngan khai rơp lik ntào mơ hòi dan di sơnđan Jehôwa Yàng Tom Trồ khai dê, mơ rơp yơr tê khai dê hơđang tềl sồt mơ sơm kòp dun.

¹²Bàr nơm hiòng tòm Damas la Abana mơ Pharpar ò di niam rlau mơ jơh ală dà tòm Israel ò ơ? Añ ò rgơi um tềng hơ̆ nàng geh goh ơ?” Behơ̆ khai wơlke lòt mơ gơjrañ ngan.

¹³Mơya ală dĭ gơna khai dê tus rềp đơs mơ khai lah: “Ơ bèp, dilah cau gơnoar hwơr neh sồr bèp lơh bơta lơi kalke, bèp rơp ò lơh ơ? Tơ ài lah tòm tŭ jơh ală bơta khai sồr bèp lah: ‘Um tĕ, gen geh goh.’”

¹⁴Behơ̆ khai mù tòm hiòng Jordan, mơ ñơp să khai poh dơ̆ tòm hiòng Jordan, jat be jơnau cau Yàng Tom Trồ dê. Poac khai geh bòi wơl be poac dô nă cau kơnòm klau mơ khai neh geh goh.

¹⁵Gen khai rê wơl tus hơ cau Yàng Tom Trồ dê, bal mơ jơh ală cau lòt bal mơ khai; tus ntào di đap Elise, mơ đơs lah: “Tŭ do añ đal git lah tòm làm jơh lơgar dunnia ò gơs yàng lơi ndai rlau mơ Yàng Tom Trồ tòm Israel. Dan dòp tĕ dô nơm phan ơn bơh cau dĭ gơna ồng dê.”

¹⁶Mơya Elise đơs lah: “Be Yàng Jehôwa gam kis sùm, la Bơtau añ duh broă mơ srat să lah añ ò dòp phan lơi.” Naaman jơh nùs chồl Elise dòp, mơya khai ò bài dòp.

¹⁷Gen Naaman đơs lah: “Dilah ò dòp dan ai dĭ gơna ồng in ù tơl bàr nơm alàng pơdiang; bơh dĭ gơna ồng dê rơp ò tai ơn phan chu hala phan ơn pơdơng ală yàng lơi ndai in rlau mơ Yàng Jehôwa.

¹⁸Mơya, dan Yàng Jehôwa toh glài dĭ gơna ồng in tòm dô bơta do: Kòp dơ̆ cau tòm añ mut tòm bơmồng yàng Rimmôn nàng duh khoai, khai sơnđìng dê tơwòr tê añ, mơ añ cùn khoai tòm bơmồng yàng Rimmôn, tòm tŭ añ cùn khoai tòm bơmồng yàng Rimmôn, dan Yàng Jehôwa toh glài dĭ gơna ồng in bơh bơta hơ̆.”

¹⁹Elise đơs mơ khai lah: “Lòt tĕ lơngap lơngai.” Mơya tòm tŭ Naaman neh lik lòt bơh Elise dô pah ngài ngài,

²⁰Gehaji, cau dong broă Elise cau Yàng Tom Trồ dê, đơs is tòm nùs lah: “Cau tòm añ neh lòi gòi Naaman, cau Aram in, ƀuơn ir, bơh ò dòp phan lơi khai neh ơn. Añ sơnio Yàng Jehôwa gam kis sùm, añ rơp ntoat jat khai mơ dòp phan lơi bơh di khai.”

²¹Behơ̆, Gehaji ntoat jat bơh tơnơ̆ Naaman. Tòm tŭ Naaman gŏ dô nă cau ntoat jat bơh tơnơ̆, gen khai sơnđoh bơh rơndeh lòt tus rò khai, mơ lùp lah: “Jơh ală bơta lơngap lơngai sơl?”

²²Gehaji ho: “Ơi, Cau tòm añ sồr añ yal mơ ồng lah: gơs bàr nă cau tòm mpồl ală cau gơnoar hwơr dê, pa tus bơh mơnơm Epraim; dan ai bol khai in bàr talơng priă mơ bàr yô ào nàng bơsoh.”

²³Naaman đơs: “Dan dòp tĕ bàr talơng. Khai jơh nùs chồl Gehaji; mơ ơn bàr talơng priă mơ bàr yô ào tòm ƀào kơt wơl, mơ jào bàr nă cau dĭ gơna khai in cèng lòt di đap Gehaji.”

²⁴Tŭ neh tus ƀòn dờng kơ̆ cê, Gehaji ai ală ƀào bơh tê bàr nă bol hơ̆, mơ ơn tòm dơlam hìu mơ lòi bol khai rê.

²⁵Khai mut ntào di đap Elise, cau tòm khai; Elise lùp khai lah: “Ơ Gehaji, mbơh mê rê taih?” Khai ho lah: “Dĭ gơna ồng ò lòt tiah lơi.”

²⁶Mơya Elise pơnjat lah: “Ò di hwềng añ neh lòt bal mơ mê tòm tŭ cau ne mù bơh rơndeh nàng lòt rò mê ò ơ? Tŭ tơngai do la tŭ dòp priă mơ dòp ồi ào, suơn ôlibe, suơn ño, belàt mơ kơnrồ, dĭ klau mơ dĭ ùr ơ?

²⁷Gen tàng dun Naaman dê rơp gơđềt di mê mơ jơi bơtiàn mê sùm sùm.” Gehaji lik bơh di Elise, khai gơlik dun bò be piar.