Read koho I Yal Yau 25 Bible Online

I Yal Yau 25 - koho bible

I Yal Yau 25

¹Dabit bal mơ ală cau kwang at bồ mpồl ling kung ơn is ală cau duh broă tòm ală kòn klau Asap, Heman mơ Jeduthun dê la ală cau đơs hwơr jat ntas kơñi pĕ, kơñi rơs mơ cing dềt. Do la sră cih ală sơnđan cau lơh broă mơ gơs gơnoar broă hơ̆:

²Bơh di ală kòn klau Asap gơs Jakur, Jôsep, Nethania mơ Asarela. Ală kòn klau Asap ơm hơđơm gơnoar at bồ Asap dê, đơs hwơr hơđơm gơnoar at bồ cau bơtau dê.

³Đah pơnah Jeduthun, bơh di ală kòn klau khai dê gen gơs Gedalia, Seri, Jesaia, Simei, Hasabia mơ Mattithia, la prau nă, ơm hơđơm gơnoar at bồ Jeduthun bèp bol khai dê, đơs hwơr mơ ngui kơñi pĕ ưnngài mơ jòng ro Yàng Jehôwa.

⁴Đah pơnah Heman, Hanani, Eliatha, Gitdalti mơ Rômamti Ejer; Jôsbekasa, Mallôthi, Hôthir mơ Hamajiôt.

⁵Jơh ală cau do la ală kòn klau Heman, cau gơnoar hwơr bơtau dê. Khai geh Yàng Tom Trồ ai ală kòn hơ̆ jat jơnau ho Kơnràñ dê nàng yò tơngguh khai. Yàng Tom Trồ ai Heman in jơt poan nă kòn klau mơ pe nă kòn ùr.

⁶Jơh ală cau do ơm hơđơm gơnoar at bồ bèp bol khai dê tòm bơta ngui ală kơñi tòm hìu duh khoai Yàng Tom Trồ, bal mơ ală cing dềt, ală kơñi lip, ală kơñi rơs, tòm gơnoar broă tòm hìu Yàng Tom Trồ dê. Asap, Jeduthun mơ Heman ơm hơđơm gơnoar at bồ cau bơtau dê.

⁷Jơh ală cau do bal mơ ală gơp bơtiàn bol khai dê neh geh bơto mơ chài rgơi tòm bơta lip kơñi Yàng Jehôwa in, ntum khà bol khai dê la bàr rhiang phàm jơt phàm nă.

⁸Cau kra kung be cau pơnu, cau bơto kung be cau bơtê, kòp nă tă khà bơh broă tòm bol khai dê.

⁹Khà dơ̆ dùl Asap in di Jôsep, ală kòn klau mơ ală gơp bơtiàn khai dê: jơt bàr nă, khà dơ̆ bàr di di Gedalia, khai mơ ală gơp bơtiàn mơ ală kòn klau khai dê: jơt bàr nă,

¹⁰khà dơ̆ pe di Jakkur, ală kòn klau mơ ală gơp bơtiàn khai dê: jơt bàr nă,

¹¹khà dơ̆ poan di Ijri, ală kòn klau mơ ală gơp bơtiàn khai dê: jơt bàr nă,

¹²khà dơ̆ pram di Nethania, ală kòn klau mơ ală gơp bơtiàn khai dê: jơt bàr nă,

¹³khà dơ̆ prau di Bukkia, ală kòn klau mơ ală gơp bơtiàn khai dê: jơt bàr nă,

¹⁴khà dơ̆ poh di Jesarela, ală kòn klau mơ ală gơp bơtiàn khai dê: jơt bàr nă,

¹⁵khà dơ̆ phàm di Jesaya, ală kòn klau mơ ală gơp bơtiàn khai dê: jơt bàr nă,

¹⁶khà dơ̆ sin di Mattania, ală kòn klau mơ ală gơp bơtiàn khai dê: jơt bàr nă,

¹⁷khà dơ̆ jơt di Simei, ală kòn klau mơ ală gơp bơtiàn khai dê: jơt bàr nă,

¹⁸khà dơ̆ jơt dùl di Ajarel, ală kòn klau mơ ală gơp bơtiàn khai dê: jơt bàr nă,

¹⁹khà dơ̆ jơt bàr di Hasabia, ală kòn klau mơ ală gơp bơtiàn khai dê: jơt bàr nă,

²⁰khà dơ̆ jơt pe di Subael, ală kòn klau mơ ală gơp bơtiàn khai dê: jơt bàr nă,

²¹khà dơ̆ jơt poan di Mattania, ală kòn klau mơ ală gơp bơtiàn khai dê: jơt bàr nă,

²²khà dơ̆ jơt pram di Jeremôt, ală kòn klau mơ ală gơp bơtiàn khai dê: jơt bàr nă,

²³khà dơ̆ jơt prau di Hanania, ală kòn klau mơ ală gơp bơtiàn khai dê: jơt bàr nă,

²⁴khà dơ̆ jơt poh di di Jôsbekasa, ală kòn klau mơ ală gơp bơtiàn khai dê: jơt bàr nă,

²⁵khà dơ̆ jơt phàm di Hanani, ală kòn klau mơ ală gơp bơtiàn khai dê: jơt bàr nă,

²⁶khà dơ̆ jơt sin di Mallôthi, ală kòn klau mơ ală gơp bơtiàn khai dê: jơt bàr nă,

²⁷khà dơ̆ bàr jơt di Eliatha, ală kòn klau mơ ală gơp bơtiàn khai dê: jơt bàr nă,

²⁸khà dơ̆ bàr jơt dùl di Hôthir, ală kòn klau mơ ală gơp bơtiàn khai dê: jơt bàr nă,

²⁹khà dơ̆ bàr jơt bàr di Gitdalti, ală kòn klau mơ ală gơp bơtiàn khai dê: jơt bàr nă,

³⁰khà dơ̆ bàr jơt pe di Mahajiôt, ală kòn klau mơ ală gơp bơtiàn khai dê: jơt bàr nă,

³¹khà dơ̆ bàr jơt poan di Rômamti Ejer, ală kòn klau mơ ală gơp bơtiàn khai dê: jơt bàr nă.