Read koho I Yal Yau 7 Bible Online

I Yal Yau 7 - koho bible

I Yal Yau 7

¹Ală kòn klau Issaka la: Tôla, Pua, Jasup mơ Simrôn, jơh ală la poan nă.

²Ală kòn klau Tôla la: Uji, Rephaya, Jeriel, Jamai, Ipsam mơ Semuel, jơh tơl nă bol khai la cau at bồ hìu nhă. Tòm rài at bồ bơtau Dabit dê, ntum khà ală kòn sau Tôla geh cih sơnđan tòm mpồl ling cau ling jak tòm sră cih sơnđan jơi bơtiàn bol khai dê la bàr jơt bàr rbô prau rhiang nă.

³Kòn klau Uji dê la Ijrahia. Ală kòn klau Ijrahia dê la Mikael, Ôbadia, Jôel mơ Issia. Jơh pram nă bol khai la cau at bồ.

⁴Jat sră cih sơnđan hìu nhă jơi bơtiàn bol khai dê gen bol khai gơs pe jơt prau nă cau klau rcang sir nàng tòmlơh, bơh bol khai gơs oă bau ùr mơ kòn sau.

⁵Ală cau gơp bơtiàn la cau ling jak gơrê mơ ală mpồl hìu nhă Issaka neh cih sơnđan mat tòm sră cih sơnđan jơi bơtiàn dê jơh ală la phàm jơt poh rbô nă.

⁶Pe nă kòn klau Benjamin dê la: Bela, Beker mơ Jediael.

⁷Ală kòn klau Bela dê la: Esbôn, Uji, Ujiel, Jeremôt mơ Iri, bol khai la cau at bồ hìu nhă, jơh ală la pram nă.

⁸Ală kòn klau Beker dê la: Jemira, Jôas, Eliejer, Eliôenai, Ômri, Jeremôt, Abija, Anatôt mơ Alemet. Jơh ală cau do la kòn klau Beker dê.

⁹Sră cih sơnđan mat jơi bơtiàn bol khai dê cih bol khai la cau at bồ hìu nhă mơ ntum khà bol khai dê jơh ală la bàr jơt rbô bàr rhiang nă cau.

¹⁰Ală kòn klau Jediael dê la: Jeus, Benjamin, Ehut, Kenaana, Jethan, Tarsis mơ Ahisahar

¹¹Jơh ală kòn klau Jediael do la cau at bồ hìu nhă. Ntum khà bol khai dê la jơt poh rbô bàr rhiang nă cau neh rcang sir nàng lòt tòmlơh.

¹²Ală cau Suppim mơ ală cau Huppim la kòn sau Ir dê, mơ ală cau Hussim la kòn klau Aher dê.

¹³Ală kòn klau Neptali dê la: Jasiel, Guni, Jejer mơ Sallum, bol khai la kòn sau Bilha dê.

¹⁴Ală kòn sau Manase dê la: Asriel la kòn klau tơnggơs bơh bau ùr cồng Aram khai dê. Bau ùr hơ̆ deh Makir la bèp Galaat dê.

¹⁵Makir bau mơ dô nă cau ùr la cau Huppim mơ Suppim. Lŏ ùr khai dê la Maaka. Dô nă kòn sau ndai sơnđan la Jelôphehat, khai gơs mìng ală kòn ùr lơm.

¹⁶Makir bau ùr Maaka deh dô nă kòn klau mơ sơnđan la Peres. Oh khai sơnđan la Seres, mơ ală kòn klau khai dê la Ulam mơ Rekem.

¹⁷Kòn klau Ulam la Bedan. Hơ̆ la ală kòn klau Galaat kòn klau Makir, sau Manase.

¹⁸Lŏ ùr khai dê la Hammôleket deh Ishôt, Abiejer mơ Mala.

¹⁹Ală kòn klau Semida la: Ahian, Sikem, Likhi mơ Aniam.

²⁰Ală kòn sau Epraim dê la Suthela, Beret kòn klau khai dê, Tahat kòn klau khai dê, Eleada kòn klau khai dê, Tahat kòn klau khai dê,

²¹Jabat kòn klau khai dê, mơ Suthela kòn klau khai dê. Ejer mơ Eleat neh kong cau deh tòm lơgar Gat tơnchơt tòm tŭ bol khai lòt tus nàng tòmpìt ai mpồl phan poan jơng bol hơ̆ dê.

²²Epraim bèp bol khai pơt wòl ñìm rac tòm jŏ ngai, mơ ală gơp bơtiàn lòt tus pơndòm pơniang khai.

²³Gen khai ơm tai mơ bau ùr khai, mơ bau ùr khai bun deh dô nă kòn klau. Khai sơnđan kòn klau hơ̆ la Beria tài bơh neh gơs bơta gơtup gơtơl tòm hìu nhă khai dê.

²⁴Kòn ùr khai dê la Seera la cau neh bơt bơtào Bet Hôrôn Đah Đơm mơ Đah Đang bal mơ Ujen Seera sơl.

²⁵Repha la kòn klau khai dê, Resep kòn klau khai dê, Tela kòn klau khai dê, Tahan kòn klau khai dê,

²⁶Ladan kòn klau khai dê, Ammihut kòn klau khai dê, Elisama kòn klau khai dê,

²⁷Nun kòn klau khai dê mơ Jôsue kòn klau khai dê.

²⁸Ù tiah mơ tiah jơnum ƀòn bol khai dê tơrgòm bal Betel mơ ală ƀòn gùt dar, Naaran Đah mattơngai lik, Gejer mơ ală ƀòn gơ dê đah mattơngai mut, mơ Sikem mơ ală ƀòn gơ dê lòt tus di Aiya mơ ală ƀòn gơ dê.

²⁹Rò gah nhàr ù tiah Manase la Bet San, Taanak, Megidô mơ Dôr, bal mơ ală ƀòn gơ dê. Ală kòn sau Jôsep kòn klau Israel dê ơm tòm ală ƀòn hơ̆.

³⁰Ală kòn sau Aser dê la: Imna, Isba, Isbi mơ Beria, Lŏ ùr bol khai dê la Sera.

³¹Ală kòn klau Beria dê la: Heber mơ Makiel, Makiel tơnggơs Birsait.

³²Heber tơnggơs Japhlet, Sômer, Hôtham mơ lŏ ùr bol khai dê la Sua.

³³Ală kòn klau Japhlet dê la: Pasat, Bimhal mơ Asbat. Hơ̆ la ală kòn klau Japhlet dê.

³⁴Ală kòn klau Sômer dê la: Ahi, Rôga, Hupba mơ Aram.

³⁵Ală kòn klau Helem bi khai dê la: Jôpha, Imna, Seles mơ Amal.

³⁶Ală kòn klau Jôpha dê la: Sua Harnepher, Sual, Beri, Imra,

³⁷Bejer, Hôt, Samma, Silsa, Itran mơ Beera.

³⁸Ală kòn klau Jether dê la: Jephune, Pispa mơ Ara.

³⁹Ală kòn klau Ulla dê la: Ara, Hanniel mơ Rijia.

⁴⁰Jơh ală cau hơ̆ la kòn sau Aser dê, la ală cau at bồ hìu nhă, la cau geh sac rwah, khin cha, cau ling jak mơ chài rgơi at bồ. Ntum khà cau ling jak geh sac rwah be neh cih tòm sră cih sơnđan jơi bơtiàn bol khai dê la bàr jơt prau rbô nă.