Read koho I Yal Yau 9 Bible Online

I Yal Yau 9 - koho bible

I Yal Yau 9

¹Jơh Israel neh geh cih sơnđan tòm sră cih sơnđan jơi bơtiàn, mơ ală cau do neh geh cih tòm Sră Ală Cau Bơtau Israel dê. Làng bol Juda neh kong kup cèng pơrdô tus hơ Babilôn tài bơh bơta ò dòn song bol khai dê.

²Mơ tai, ală cau sơnròp rê ơm wơl tòm ù tiah tòm, tòm ală ƀòn tòm bol khai dê la dô pơnah cau Israel, ală cau gơnoar ơn phan duh khoai, ală cau Lebi, mơ ală cau duh broă tòm hìu duh khoai.

³Ală cau bơh di Juda, bơh di Benjamin, mơ bơh di Epraim mơ Manase ơm tòm Jerusalem la:

⁴Uthai kòn klau Ammihut, sau Ômri, se Imri, set Bani, bơh ală kòn sau Peres kòn klau Juda dê.

⁵Tòm ală cau Silônit gơs Asaia kòn tơnhoa mơ ală kòn klau khai dê.

⁶Tòm ală kòn sau Jerah gơs Jeuel. Ntum khà bol khai dê la prau rhiang sin jơt nă.

⁷Tòm ală cau Benjamin gơs Sallu kòn klau Mesullam, sau Hôdabia, se Hassenua;

⁸Ipneia kòn klau Jerôham; Ela kòn klau Uji, sau Mikri; mơ Mesullam kòn klau Sephatia, sau Reuel, se Ipnija.

⁹Ntum khà làng bol bơh di Benjamin be neh cih sơnđan tòm sră cih sơnđan jơi bơtiàn bol khai dê la sin rhiang pram jơt prau nă. Jơh ală cau do la cau at bồ ală hìu nhă bol khai dê.

¹⁰Tòm ală cau gơnoar ơn phan duh khoai gơs Jedayah, Jehôyarip, Jakin,

¹¹Ajaria kòn klau Hilkia, sau Mesullam, se Jadôk; Jadôk kòn klau Meraiôt, sau Ahitup, la cau kwang at bồ hìu duh khoai Yàng Tom Trồ dê.

¹²Adaia kòn klau Jerôham, sau Pasur, se Malkija; Malkija kòn klau Adiel, sau Jasera, se Mesullam, set Mesillemit; Mesillemit kòn klau Immer.

¹³Ntum khà gơp bơtiàn bol khai dê la cau at bồ hìu nhă la dô rbô poh rhiang prau jơt nă. Bol khai la cau chài rgơi, gơs gơnoar broă tòm hìu duh khoai Yàng Tom Trồ dê.

¹⁴Tòm ală cau Lebi gơs Semia kòn klau Hassup, sau Ajrikam, se Hasabia, la gơrê bal mơ jơi Merari;

¹⁵Bakbakkar, Heres, Galal mơ Mattania kòn klau Mika, sau Jikri, se Asap;

¹⁶Ôbadia kòn klau Semayah, sau Galal, se Jeduthun; mơ Berekia kòn klau Asa, sau Elkana ơm tòm ƀòn cau Netôpha.

¹⁷Tòm ală cau kơp gàr mpồng gơs Sallum, Akkup, Talmôn, Ahiman mơ ală oh mi khai, Sallum la cau at bồ bol khai,

¹⁸tŭ hơ̆ ơm kơp gàr di mpồng bơtau đah mattơngai lik. Hơ̆ la ală cau kơp gàr mpồng gơrê bal mơ sàl Lebi dê.

¹⁹Sallum kòn klau Kôre, sau Abiasap, se Kôra, mơ ală oh mi bơh tòm hìu nhă jơi bơtiàn cau Kôra, gơs broă kơp gàr mpồng Hìu Ing Duh Khoai, tòm toh kung be ồng pàng bol khai neh gơs broă tòm kơp gàr mpồng mut hìu Yàng Jehôwa dê.

²⁰Bơh tŭ sơnròp Phineas kòn klau Eleajar neh gơs broă tòm at bồ ală cau kơp gàr mpồng, mơ Yàng Jehôwa ơm mơ khai.

²¹Sacari kòn klau Meselemia la cau kơp gàr mpồng mut Sàl Ing Duh Khoai dê.

²²Jơh tơl nă ală cau geh sac rwah nàng kơp gàr mpồng la bàr rhiang jơt bàr nă. Bol khai geh cih jat sră cih sơnđan jơi bơtiàn tòm ală ƀòn bol khai dê. Ală cau kơp gàr mpồng neh geh Dabit mơ cau gơnoar hwơr Samuel dòn kơnòm mơ pồ bơtào tòm broă lơh hơ̆.

²³Bol khai mơ ală kòn sau bol khai dê neh geh jào broă kơp gàr mpồng hìu Yàng Jehôwa dê, la hìu sơnđan la Sàl Ing.

²⁴Ală cau kơp gàr mpồng ơm poan đah: đah mattơngai lik, đah mattơngai mut, đah đang mơ đah đơm.

²⁵Ală oh mi bol khai ơm tòm ală ƀòn bol khai dê, dơ̆ dơ̆ pal tus nàng dong kòl bol khai kòp dơ̆ poh ngai.

²⁶Bơh poan nă cau at bồ ală cau kơp gàr mpồng gơs gơnoar dờng la cau Lebi neh geh jào broă tòm sền gàr ală ơdŭ mơ ală phan prap lòi tòm hìu Yàng Tom Trồ dê.

²⁷Bol khai ơm drơng mang gùt dar hìu Yàng Tom Trồ dê tài bơh bol khai pal sền gàr gơ, mơ bol khai geh jào kai nàng pò gơ kòp àng drim.

²⁸Cau ƀà tòm bol khai gơs broă tòm sền gàr ală phan ngui tòm bơta duh broă tòm hìu duh khoai; bol khai kòp khà ală phan hơ̆ tòm tŭ cau cèng tơmut, mơ tòm tŭ cau tă tơlik gơ.

²⁹Cau ndai ƀà geh jào broă sền gàr ală cơnòng mơ ală phan ngui ndai tòm hìu duh khoai, bal mơ kơmbuh phe mi mơ tơrnòm, mơñà, kơlhô mơ ală sơnơm ƀô bơlhu.

³⁰Mơya gơs cau ƀà tòm ală cau gơnoar ơn phan duh khoai geh jào broă tòmbơcă ală sơnơm ƀô hơ̆.

³¹Dô nă cau Lebi sơnđan la Mattithia kòn tơnhoa Sallum cau Kôra, neh geh jào broă tòmlơh piang lă nàng ơn tòm hìu duh khoai.

³²Cau ƀà tòm ală oh mi cau Kôhat bol khai dê gơs broă tòm rcang gơs piang lă pơdơng hơđang cơnòng tòm kòp ngai Saƀat.

³³Ală cau chài lip kơñi mơ đơs chò la cau at bồ hìu nhă Lebi ơm wơl tòm ơdŭ hìu duh khoai dê, bol khai ò càng lơh ală broă ndai tài bơh bol khai neh gơs broă tòmpal lơh ngai mơ mang.

³⁴Jơh ală cau do la cau at bồ hìu nhă Lebi dê, be neh cih tòm sră cih sơnđan jơi bơtiàn bol khai dê, mơ bol khai ơm tòm Jerusalem.

³⁵Jeiel bèp Gabaôn ơm tòm Gabaôn. Bau ùr khai dê sơnđan la Maaka,

³⁶mơ kòn klau tơnhoa khai dê la Apdôn, jat khai la Jur, Kis, Baal, Ner, Nadap.

³⁷Gedôr, Ahiô, Sacari mơ Miklôt.

³⁸Miklôt la bèp Simeam. Khai kung ơm tòm toh mat mơ ală gơp bơtiàn khai dê tòm Jerusalem.

³⁹Ner la bèp Kis, Kis la bèp Sol mơ Sol la bèp Jônathan, Malkisua, Abinadap mơ Es Baal.

⁴⁰Kòn klau Jônathan dê la Merip Baal, Merip Baal la bèp Mika.

⁴¹Ală kòn klau Mika dê la: Pithôn, Melek, Tarea mơ Ahas.

⁴²Ahas la bèp Jada, Jada la bèp Alemet Asmabet mơ Jimri, mơ Jimri la bèp Môja.

⁴³Môja la bèp Binea; Rephaya kòn klau khai dê, Eleasa kòn klau khai dê mơ Ajel kòn klau khai dê.

⁴⁴Ajel gơs prau nă kòn klau, mơ do la sơnđan bol khai dê: Ajrikam, Bôkeru, Ismael, Searia, Ôbadia mơ Hanan. Hơ̆ la ală kòn klau Ajel dê.