Read koho II Yal Yau 27 Bible Online

II Yal Yau 27 - koho bible

II Yal Yau 27

¹Jôtham neh bàr jơt pram nam tòm tŭ khai sơntòm at bồ, khai at bồ jơt prau nam tòm Jerusalem. Sơnđan mè khai la Jerusa kòn ùr Jadôk.

²Khai lơh bơta di niam di đap mat Yàng Jehôwa, kung be Ujia bèp khai neh lơh, mìng khai ò lơh ală alai tòm hìu duh khoai Yàng Jehôwa dê. Mơya làng bol kư̆ lơh jat ală bơta ƀơ̆ iơh.

³Jôtham bơt wơl mpồng hơđang hìu duh khoai Yàng Jehôwa dê, mơ bơt wơl oă broă hơđang dơrñang ƀòn Ôphel.

⁴Rlau mơ hơ̆, khai bơt ală ƀòn dờng hơđang tiah mơnơm Juda dê mơ ală theng kơp gàr mơ ală theng jơnhoa tòm ală tiah brê dơr.

⁵Jôtham tòmlơh mơ bơtau Ammôn mơ pha rlau mơ bol khai. Tòm nam hơ̆, cau Ammôn dap dia khai in dô rhiang talơng priă, jơt rbô kor kòi mi mơ jơt rbô kor kòi mac. Cau Ammôn kung tơm khai in ndròm behơ̆ sơl tòm nam dơ̆ bàr mơ nam dơ̆ pe.

⁶Behơ̆ Jôtham gơlik gơs pràn tài bơh khai lơh nền gùng dà khai dê di đap Jehôwa Yàng Tom Trồ khai dê.

⁷Ală broă ndai tòm rài at bồ Jôtham dê, mơ jơh ală bơta tòmlơh mơ ală gùng dà khai dê, gen neh geh cih tòm Sră ală cau Bơtau Juda mơ Israel dê.

⁸Khai neh bàr jơt pram nam tòm tŭ khai sơntòm at bồ, mơ khai at bồ jơt prau nam tòm Jerusalem.

⁹Jôtham bic rlô bal mơ ală ồng pàng khai dê mơ geh tơp tòm Ƀòn Dờng Dabit. Mơ Aca kòn klau khai dê gơs bơtau pơrdòn sơbàn khai dê.