Read koho Nehemi 10 Bible Online

Nehemi 10 - koho bible

Nehemi 10

¹Do la sơnđan ală cau neh tap ƀang kì tòm bơta ho bal hơ̆: Nehemi kwang at bồ lơgar, la kòn klau Hakalia dê mơ Jedekia.

²Seraya, Ajaria, Jeremi,

³Pasur, Amariah, Malkijah,

⁴Hatus, Sebaniah, Maluc,

⁵Harim, Meremôt, Obadiah,

⁶Daniel, Ginethon, Baruc,

⁷Mesulam, Abijah, Mijamin,

⁸Maajiah, Bilgai, Semaya; ală cau do la ală cau ơn phan duh khoai.

⁹Mơ ală cau Lebi la: Jesua kòn klau Ajania, Binnui kòn klau Henadat, Katmiel;

¹⁰mơ ală oh mi bol khai dê la: Sebania, Hodiyah, Kelita, Pelayah, Hanan,

¹¹Mika, Rehôp, Hasabia,

¹²Jakur, Serebiah, Sebaniah,

¹³Hôdiah, Bani, Beninu.

¹⁴Ală kwang bàng bol khai dê la: Parôs, Pahat Môap, Elam, Jatu, Bani,

¹⁵Buni, Asgat, Bebai,

¹⁶Adonijah, Bikbai, Adin,

¹⁷Ater, Ejekia, Ajur,

¹⁸Hodia, Hasum, Bejai,

¹⁹Harip, Anatôt, Nebai

²⁰Makpias, Mesulam, Hejir,

²¹Mesejabel, Jadôk, Jadua,

²²Pelatiah, Hanan, Anaiyah,

²³Ôse, Hanania, Hasup,

²⁴Halohes, Pila, Sôbek,

²⁵Rehum, Hasabnah, Maaseyah,

²⁶Ahiyah, Hanan, Anan,

²⁷Maluc, Harim, mơ Baanah.

²⁸Làng bol gam wơl, ală cau ơn phan duh khoai, ală cau Lebi, ală cau sền gàr mpồng, ală cau đơs chò, ală cau duh broă tòm hìu duh khoai, ală cau neh cah is bơh ală làng bol tòm lơgar nàng jat bơta boh lam Yàng Tom Trồ dê, bal mơ ală bau ùr, ală kòn klau, ală kòn ùr bol khai dê, hơ̆ la ală cau gơs tơl bơta git wă,

²⁹dô bă bal mơ ală oh mi bol khai dê, ală cau dờng màng bol khai dê srat să mơ ho lòt jat bơta boh lam Yàng Tom Trồ dê, neh kơnòm di Môise, cau duh broă Yàng Tom Trồ dê, nàng sền sơwì mơ lơh jat ală bơta sồr lam, Yàng Jehôwa dê, la Yàng bol he dê, mơ bơta lơh nền mơ bơta boh lam Kơnràñ dê.

³⁰Bol hi rơp ò ai ală kòn ùr bol hi dê tòmbau mơ ală làng bol tòm lơgar in, hala ò tòmbau kòn ùr bol khai mơ kòn klau bol hi dê.

³¹Mơ dilah làng bol tòm lơgar cèng phan kă bro, hala kòi phe nàng tac tòm ngai Saƀat, gen bol hi rơp ò blơi mơ bol khai tòm ngai Saƀat hala ngai sàng goh; bol hi rơp ò lơh mìr sre tòm nam dơ̆ poh mơ kung ò lùp dồs lơi.

³²Bol hi kung lơh nền să tòm bol hi pal gơs pơnah broă tòm ơn dô pơnah pe sieklơ kòp nam să tòm bol hi in nàng ngui tòm broă hìu duh khoai Yàng Tom Trồ bol he dê:

³³Bơh piang lă ơn pràng, phan òs ơn mơ kòi mbo, phan òs ơn chu pơrguc, phan ơn tòm kòp ngai Saƀat, pơjum sa Kơnhai Pa, mơ ală ngai pơjum sa neh lơh nền, ală phan ơn sàng goh, ală phan ơn tơwài làng bol Israel, mơ tòm jơh ală broă tòm hìu duh khoai Yàng Tom Trồ bol hi dê.

³⁴Bol hi kung tă khà digùl ală cau gơnoar ơn phan duh khoai, ală cau Lebi, mơ làng bol, bơh lòng sing nàng ơn phan duh khoai, nàng cèng gơtơmut tòm hìu Yàng Tom Trồ bol he dê, bơh ală hìu nhă jơi bơtiàn, jat tŭ tơngai neh lơh nền, kòp nam, nàng sing hơđang cơnòng duh khoai Yàng Jehôwa la Yàng Tom Trồ bol he dê, be neh cih tòm bơta boh lam.

³⁵Bol he kung lơh nền cèng tus tòm hìu duh khoai Yàng Jehôwa dê ală plai bồ sơnam bơh ù tiah bol hi dê, mơ ală plai bồ sơnam bơh di kòp nơm chi bol hi dê, kòp nam cèng tus hơ hìu Yàng Tom Trồ bol hi dê;

³⁶Mơ tai, kung cèng tòm hìu Yàng Tom Trồ bol hi dê, tus hơ ală cau gơnoar ơn phan duh khoai la ală cau duh broă tòm hìu Yàng Tom Trồ bol hi dê, ală kòn klau tơnhoa bol hi dê mơ ală kòn tơnhoa phan poan jơng bol hi dê, jat be neh cih tòm bơta boh lam, kòn tơnhoa tòm mpồl kơnrồ hala mpồl belàt bol hi dê;

³⁷mơ kung cèng kơmbuh piang lă sơnròp bol hi dê, ală phan ơn, ală plai chi, tơrnòm mơ mơñà tus hơ ală đam tòm hìu duh khoai Yàng Tom Trồ bol hi dê. Mơ kung tus hơ ală cau Lebi ală pơnah jơt bơh ù tiah, la ală cau dòp pơnah jơt bơh ù tiah tòm ală ƀòn dờng bol hi dê.

³⁸Cau ơn phan duh khoai kòn sau Arôn dê, rơp lòt bal mơ ală cau Lebi tòm tŭ bol khai dòp ală pơnah jơt. Mơ ală cau Lebi rơp cèng dô pơnah jơt tòm ală pơnah jơt tus hơ ală đam hìu duh khoai Yàng Tom Trồ bol he dê.

³⁹Làng bol Israel mơ ală cau Lebi rơp cèng ală phan ơn be kòi, tơrnòm, mơ mơñà tơmut tòm ală đam hơ̆, la tiah prap gàr ală phan ngui tòm Hìu Duh Khoai Sàng Goh, mơ tềng hơ̆ la tiah ală cau ơn phan duh khoai duh broă, mơ ală cau kơp mpồng, mơ ală cau đơs chò ơm. Bol he rơp ò sang lòi ală alai hìu duh khoai Yàng Tom Trồ bol he dê.