Read koho Nehemi 11 Bible Online

Nehemi 11 - koho bible

Nehemi 11

¹Ală kwang at bồ làng bol Israel dê ơm tòm Jerusalem; mơ làng bol gam wơl gen tĕ khà nàng sac rwah dô nă tòm kòp jơt nă bol khai nàng tus ơm tòm Jerusalem, la ƀòn sàng goh, tòm tŭ sin nă cau gam wơl gen ơm tòm ală ƀòn ndai.

²Mơ làng bol ai lơngai ală cau lơi in jat nùs kòñ ơn is nàng ơm tòm Jerusalem.

³Mơ tai do la ală cau kwang at bồ kơnhwàl dê, la cau ơm tòm Jerusalem; mơya tòm ală ƀòn lơgar Juda dê jơh tơl nă ơm tòm tiah ƀòn tòm khai dê: hơ̆ la làng bol Israel, ală cau ơn phan duh khoai, ală cau Lebi, ală cau duh broă tòm hìu duh khoai, mơ kòn sau ală cau duh broă Salômôn dê.

⁴Gơs cau Juda mơ cau Benjamin ơm tòm Jerusalem. Đah mơ cau Juda gơs: Athayah, kòn klau Ujia, kòn klau Sacari, kòn klau Amaria, kòn klau Sephatia; Sephatia la kòn klau Mahalalel, la kòn sau Peres.

⁵Mơ tai gơs Maaseyah kòn klau Baruk, kòn klau Kolhojeh, kòn klau Hajayah, kòn klau Adayah; kòn klau Joyarip kòn klau Sacari tòm jơi bơtiàn Siloni.

⁶Jơh ală kòn sau Peres dê la ală cau ơm tòm Jerusalem la poan rhiang prau jơt phàm nă la ală cau ling tòmlơh khin cha.

⁷Do la ală kòn sau Benjamin: Salu kòn klau Mesulam, kòn klau Joet, kòn klau Pedayah, kòn klau Kolayah; kòn klau Maaseyah, kòn klau Ithiel, kòn klau Jesayah,

⁸bal mơ Gabai mơ Sallai oh mi khai dê jơh ală la sin rhiang bàr jơt phàm nă.

⁹Jôel kòn klau Jikri at bồ bol khai; mơ Juda kòn klau Hasenuah lơh gơs cau kwang oh at bồ ƀòn dê.

¹⁰Tòm ală cau ơn phan duh khoai gơs: Jedayah kòn klau Jojarip, Jakin,

¹¹Seraya kòn klau Hilkia, kòn klau Mesulam; Mesulam la kòn klau Jadôk, kòn klau Merayot, kòn klau Ahitup cau at bồ hìu duh khoai Yàng Tom Trồ dê;

¹²bal tòm mpồl bol khai la ală cau lơh broă hìu duh khoai dê, la phàm rhiang bàr jơt bàr nă. Adayah kòn klau Jerôham, kòn klau Pelaliah, kòn klau Amji, kòn klau Sacari; Sacari la kòn klau Pasur, kòn klau Malkiyah.

¹³Bal mơ mpồl bol khai dê, ală cau at bồ hìu nhă, la bàr rhiang poan jơt bàr nă. Amasai kòn klau Ajarel, kòn klau Ahjai, kòn klau Mesilemot, kòn klau Imer,

¹⁴bal mơ mpồl bol khai dê, la ală cau ling jak mơ khin cha, la dô rhiang bàr jơt phàm nă. Cau at bồ bol khai la Japdiel kòn klau Hagedolim.

¹⁵Tòm ală cau Lebi gơs: Semayah kòn klau Hassup, kòn klau Ajrikam, kòn klau Hasabia, kòn klau Bunni.

¹⁶Tòm ală cau at bồ ală cau Lebi gơs Sabethai, mơ Jôjabat at bồ ală broă hơ bơdìh hìu duh khoai Yàng Tom Trồ dê;

¹⁷mơ gơs Mattania kòn klau Mice sau Japdi set Asap, la cau lam bồ bơh broă đơs chò ưnngài tòm tŭ hòi dan, bal mơ Bakbukiah la cau dơ̆ bàr tòm mpồl bol khai; mơ Apda, kòn klau Samua, sau Galal, set Jeduthun.

¹⁸Jơh ală cau Lebi ơm tòm ƀòn sàng goh la bàr rhiang phàm jơt poan nă.

¹⁹Ală cau sền gàr mpồng: Akup, Talmôn mơ ală oh mi bol khai dê la dô rhiang poh jơt bàr nă cau.

²⁰Ală cau Israel gam wơl, ală cau ơn phan duh khoai mơ ală cau Lebi ndai gen ơm tòm ală ƀòn Juda dê, kòp nă tòm ù tòm khai dê.

²¹Ală cau duh broă tòm hìu duh khoai gen ơm tòm Ôphel; Jiha mơ Gispa at bồ ală cau duh broă tòm hìu duh khoai.

²²Ală cau at bồ hơđang ală cau Lebi ơm tòm Jerusalem la Uji kòn klau Bani, sau Hasabia, set Mattania, se Mice tòm jơi bơtiàn Asap la ală cau đơs chò geh pồ bơtào at bồ broă tòm hìu duh khoai Yàng Tom Trồ dê.

²³Bơh gơs gơnoar sồr cau bơtau gơwèt hơ broă bol khai dê, mơ dô nă cau rơndap tiah nggui ală cau đơs chò in jat be neh hòi jà kòp ngai.

²⁴Pethahiah kòn klau Mesejabel tòm jơi bơtiàn Jerah kòn klau Juda dê, gơnoar ơm tòm tê cau bơtau dê tòm jơh ală bơta gơlik gơs gơwèt mơ làng bol.

²⁵Mơ kung be bơh ală ƀòn dềt mơ mìr sre bol khai dê, gơs cau ƀà tòm làng bol Juda ơm tòm Kiriat Arba mơ ală ƀòn gùt dar, tòm Dibôn mơ ală ƀòn gơ dê, tòm Jekapjeel mơ ală ƀòn gơ dê,

²⁶tòm Jesua, Molada, Betpelet,

²⁷tòm Hajar Sual, Beerseba mơ ală ƀòn gơ dê,

²⁸tòm Jiklak, tòm Mekona mơ ală ƀòn gơ dê,

²⁹tòm En Rimmôn, tòm Jôrah, tòm Jarmut,

³⁰tòm Janoa, Adulam, mơ ală ƀòn gơ dê. Tòm Lakis mơ ală mìr sre gơ dê, mơ tòm Ajekah mơ ală ƀòn gơ dê. Behơ̆ bol khai ơm bơh Beerseba jơl tus hơ thòng Hinnom.

³¹Ală làng bol Benjamin kung ơm tòm Geba, Mikmas, Aija, Betel mơ ală ƀòn gơ dê;

³²tòm Anatôt, Nôp, Anania,

³³tòm Hajor, Ramah, Gitaim,

³⁴tòm Hadit, Jebôim, Nebalat,

³⁵Lot, mơ Ônô, hơ̆ la thòng ală cau chài lơh broă.

³⁶Ngan kung gơs ală mpồl bơh ală cau Lebi ơm tòm Juda tus ơm bal mơ cau Benjamin.