Read koho Nehemi 12 Bible Online

Nehemi 12 - koho bible

Nehemi 12

¹Do la ală cau ơn phan duh khoai mơ ală cau Lebi neh guh bal mơ Jerubabel kòn klau Sealthiel, mơ Jesua: Seraya, Jeremi, Ejra,

²Amariah, Maluc, Hatus,

³Sekania, Rehum, Meremôt,

⁴Idô, Ginethoi, Abijah,

⁵Mijamin, Maadiah, Bilgah,

⁶Semayah, Joyarip, Jedayah,

⁷Salu, Amok, Hilkia, mơ Jedayah. Do la ală cau at bồ ală cau ơn phan duh khoai mơ ală oh mi bol khai dê tòm rài Jesua.

⁸Mơ ală cau Lebi la: Jesua, Binnui, Katmiel, Serebiah, Juda, mơ Mattaniah, lam bồ đơs chò bơta ưnngài bal mơ ală oh mi khai dê.

⁹Kung gơs Bakbukia, mơ Uni bal mơ ală mpồl bol khai dê ntào tòm toh mat tòm bơta duh broă.

¹⁰Jesua la bèp Jôyakim, Jôyakim la bèp Eliasip, Eliasip la bèp Jôyada,

¹¹Jôyada la bèp Jônathan, mơ Jônathan la bèp Jadua.

¹²Tòm rài Jôyakim cau gơnoar ơn phan duh khoai, ală cau at bồ mpồl ală hìu nhă gơs: Mpồl Seraya gơs Merayah; mpồl Jeremi gơs Hanania;

¹³mpồl Ejra gơs Mesulam; mpồl Amariah gơs Jôhanan;

¹⁴mpồl Maluki gơs Jônathan; mpồl Sebania gơs Jôsep;

¹⁵mpồl Harim gơs Adna; mpồl Merayot gơs Helkai;

¹⁶mpồl Idô gơs Sacari; mpồl Ginethon gơs Mesulam;

¹⁷mpồl Abijah gơs Jikri; mpồl Minyamin mơ mpồl Moadia gơs Piltai;

¹⁸mpồl Bilga gơs Samua; mpồl Semayah gơs Jehônathan;

¹⁹mpồl Joyarip gơs Mattenai; mpồl Jedayah gơs Uji;

²⁰mpồl Salai gơs Kalai; mpồl Amok gơs Eber;

²¹mpồl Hilkia gơs Hasabia; mpồl Jedayah gơs Nethanel.

²²Ală cau lam bồ ală cau Lebi dê, tòm rài Eliasip, Jôyada, Jôhanan, mơ Jadua; gơs ală cau at bồ ală mpồl jơi bơtiàn dê neh cih tòm sră, ală cau gơnoar ơn phan duh khoai kung neh cih sơnđan tòm sră jơl tus rài Darius lơgar Persia dê.

²³Ală cau lam bồ ală mpồl cau Lebi neh cih sơnđan tòm sră Yal Yau jơl tus rài Jôhanan kòn klau Eliasip dê.

²⁴Ală cau lam bồ ală cau Lebi la: Hasabia, Serebia, Jesua kòn klau Katmiel, mơ ală oh mi bol khai dê ơm di đap mat bol khai nàng jòng ro mơ ưnngài, jat gơnoar sồr Dabit cau Yàng Tom Trồ dê, mpồl do ơm tòm toh mat mơ mpồl ne.

²⁵Mattania, Bakbukia, Ôbadia, Mesulam, Talmôn, mơ Akup, la ală cau kơp gàr ală mpồng ơm ntào sền gàr ală đam jàr mpồng ƀòn dê.

²⁶Ală cau hơ̆ duh broă tòm rài Jôyakim kòn klau Jesua sau Jôjadak, mơ tòm rài Nehemi kwang đơng lơgar, mơ tòm rài Ejra la cau gơnoar ơn phan duh khoai, mơ cau gơnoar cih.

²⁷Tòm tŭ ơn Yàng in ală dơrñang ƀòn Jerusalem dê, gen cau lòt jòi ală cau Lebi tòm làm bă tiah bol khai dê nàng cèng tus hơ Jerusalem nàng pơjum ơn ală dơrñang Yàng in dô bă hòn chò tòm bơta đơs chò ưnngài bal mơ ntas mồng, kơñi rơs mơ kơñi che.

²⁸Ală mpồl cau đơs chò neh pơjum bơh ală tiah gùt dar Jerusalem, ală ƀòn cau Netôphat;

²⁹kung bơh Bet Gilgal mơ bơh kơnhwàl Geba mơ Asmabet; bơh ală cau đơs chò neh bơt hìu bol khai in tòm ală ƀòn gùt dar Jerusalem.

³⁰Ală cau ơn phan duh khoai mơ ală cau Lebi lơh sàng goh să tòm bol khai dê, làng bol in, ală mpồng mơ dơrñang sơl.

³¹Tŭ hơ̆ añ sồr ală kwang at bồ làng bol Juda dê guh hơđang dơrñang mơ bơtào bàr mpồl dờng lòt gùt dar ƀòn nàng đơs jơnau mơ lòt tòm ù tiah bol khai dê. Dô mpồl lòt đah ma hơđang dơrñang tus hơ Mpồng È.

³²Jat bol khai gơs Hôsajah mơ nggùl ală cau kwang làng bol Juda dê,

³³bal mơ Ajaria, Ejra, Mesulam, Juda,

³⁴Juda, Benjamin, Semayah, Jeremi

³⁵kung gơs ală cau ơn phan duh khoai at kơwào: Sacari kòn klau Jônathan, sau Semayah, set Mattania, se Mikaiah; Mikaiah kòn klau Jakkur, sau Asap;

³⁶mơ ală oh mi bol khai di la: Semayah, Ajarel, Milalai, Gilalai, Maai, Nethanel, Juda, mơ Hanani at ală kơñi Dabit cau Yàng Tom Trồ dê. Ejra cau gơnoar cih lòt hơđap bol khai.

³⁷Di Mpồng Dà Cat bol khai guh song jat ală kơnă ntùng ƀòn dờng Dabit dê, di tiah guh dơrñang lòt gan hơđang gơlang Dabit dê, jơl tus Mpồng Dà đah mattơngai lik.

³⁸Mpồl ne đơs jơnau ưnngài lòt bơh đah kiau, ai añ jat bol khai bal mơ nggùl làng bol, lòt gan bơh Theng ală Bơnhă dê jơl tus hơ Dơrñang Ơnàng,

³⁹lòt hơđang Mpồng Epraim, lòt gan Mpồng Yau mơ Mpồng Ka, mơ gan Theng Hananel mơ Theng Rhiang, tus hơ Mpồng Belàt, bol khai lòt tus hơ nggùl Mpồng Kơp Gàr.

⁴⁰Behơ̆ jơh bàr mpồl đơs jơnau ưnngài ơm ntào tòm hìu duh khoai Yàng Tom Trồ dê. Añ mơ nggùl ală kwang at bồ ơm bal mơ añ;

⁴¹mơ ală cau gơnoar ơn phan duh khoai Eliakim, Maaseyah, Minyamin, Mikaiah, Eliôenai, Sacari, mơ Hanania at ală kơlwòk;

⁴²mơ Maaseyah, Semayah, Eleajar, Uji, Jehôhanan, Malkijah, Elam, mơ Ejer. Mpồl đơs chò gen đơs chò bal mơ Jejrahiah kung be dô nă cau lam bồ bol khai dê.

⁴³Bol khai ơn oă ngan ală phan duh khoai mơ hòn chò tòm ngai hơ̆, tài bơh Yàng Tom Trồ neh lơh bol khai in hòn chò mơ bơta hòn chò dờng. Ală cau ùr mơ ală cau kơnòm kung chò hòp, sap ntas bơta chò hòp tòm Jerusalem geh kơno ngài ngan.

⁴⁴Tòm ngai hơ̆ cau pồ bơtào ală cau sền gàr ală ơdŭ ơn phan bơh ală phan ơn, plai bồ sơnam, ală pơnah jơt, nàng tơrgòm ală phan hơ̆ jat bơta boh lam neh sồr nàng ơn ală cau ơn phan duh khoai in; bơh làng bol Juda chò hòp bơh ală cau gơnoar ơn phan duh khoai mơ ală cau Lebi neh duh broă.

⁴⁵Bol khai lơh sir bơta duh broă Yàng Tom Trồ bol khai dê, mơ rơndap broă bơta lơh sàng goh, kung be ală cau đơs chò neh lơh mơ ală cau kơp gàr mpồng jat be gơnoar sồr Dabit mơ Salômôn kòn klau khai dê.

⁴⁶Tài bơh tòm rài Dabit mơ Asap bơh yau òr, gơs ală cau lam bồ ală cau đơs chò, mơ gơs ală bơta đơs chò jòng ro mơ ưnngài Yàng Tom Trồ.

⁴⁷Tòm rài Jerubabel mơ Nehemi jơh làng bol Israel ơn pơnah ngui sa kòp ngai ală cau đơs chò in mơ ală cau kơp gàr mpồng in; bol khai kung ơn is pơnah ală cau Lebi in, mơ ală cau Lebi ơn is ală pơnah kòn sau Arôn in.