Read koho Lik Ejiptơ 27 Bible Online

Lik Ejiptơ 27 - koho bible

Lik Ejiptơ 27

¹Lơh tĕ dô nơm cơnòng duh khoai mơ chi sitim, jơnhoa dô met pe; gơ gơs poan gah ring bal, jòng bàr met bàr mơ ơnàng bàr met.

²Lơh tĕ dô nơm ngke di kòp poan nơm mum cơnòng ơn phan duh khoai, ală ngke mơ cơnòng gơđềt bal dô bă, mơ ƀềp gơ mơ kòng.

³Jơh ală phan ngui bal mơ gơ kung lơh tĕ mơ kòng, hơ̆ la ală yang ơn bùh mơ ală cơnhŏ chŏ bùh, ală thùng ơn dà, ală cơnhŏ sề mơ ală chàng ơn ồs rnga.

⁴Lơh tĕ cơnòng duh khoai in dô nơm phan cang kung be bơtơng mơ kòng, di kòp nơm tòm poan mum gơ dê gen lơh tĕ dô nơm dơwàng mơ kòng.

⁵Ơn tĕ gơtòm dơlam cơnòng ơn phan duh khoai, digùl đah jơnhoa cơnòng dê.

⁶Mòn tĕ ală mơng tùng mơ chi sitim cơnòng duh khoai in mơ ƀềp gơ mơ kòng,

⁷Ală mơng tùng hơ̆ pal tơmut tòm ală dơwàng; bol gơ rơp ơm di bàr gah cơnòng ơn phan duh khoai tòm tŭ cau tùng gơ.

⁸Lơh tĕ cơnòng mơ mpàn, brong tòm dơlam, tòm toh jat be Añ neh sơnio mê in hơđang mơnơm.

⁹Lơh tĕ ƀlàng jơng hìu Sàl Ing Duh Khoai in. Đah đơm rơp gơs poan jơt poan met jòng mơ rơp gơs ală bài kơrnìng mơ bài che dơmài lơbơn tàñ hàng mơnĕ,

¹⁰bal mơ bàr jơt nơm jrong mơ bàr jơt nơm trồm jrong mơ kòng, kơlnĕ mơ priă mơ ală che kơt di ală jrong.

¹¹Đah đang kung rơp gơs poan jơt poan met jòng mơ gơs bài kơrnìng bal mơ bàr jơt nơm jrong mơ bàr jơt nơm trồm jrong mơ kòng bal mơ ală kơlnĕ mơ priă mơ ală che kơt di ală jrong.

¹²Đah mattơngai mut ƀlàng jơng hìu dê rơp gơs bàr jơt bàr met ơnàng mơ gơs ală bài kơrnìng bal mơ jơt nơm jrong mơ jơt nơm trồm jrong.

¹³Wèt hơ mattơngai lik, ƀlàng jơng hìu kung la bàr jơt bàr met ơnàng.

¹⁴Gơs prau met prau bài dơrñang, pe nơm jrong mơ pe nơm trồm jrong;

¹⁵Ai bài kơrnìng prau met prau jòng rơp ơm di gah mpồng mut, gơs pe nơm jrong mơ pe nơm trồm jrong.

¹⁶Mpồng mut di ƀlàng jơng hìu gơs dô blah bài kơrnìng jòng phàm met phàm tàñ mơ che brài dà tơlir trồ, dà gur mơ dà pơrhê mơ bài che dơmài lơbơn tàñ hàng mơnĕ, la broă cau chài jing bơka dê, bal mơ poan nơm jrong mơ poan nơm trồm jrong.

¹⁷Jơh ală jrong gùt dar ƀlàng jơng hìu rơp gơs ală che pùt mơ priă, ală kơlnĕ kwĕ jrong lơh mơ priă ală trồm jrong mơ kòng.

¹⁸Ƀlàng jơng hìu la poan jơt poan met jòng mơ bàr met ơnàng, gơs ală bài kơrnìng mơ bài che dơmài lơbơn tàñ hàng mơnĕ, bàr jơt bàr met jơnhoa bal mơ ală trồm jrong mơ kòng.

¹⁹Jơh ală phan lơi ngui tòm broă duh khoai tòm Hìu Ing Duh Khoai, kòp bal tơn ală mơng sơntơp sàl Hìu Ing Duh Khoai mơ ƀlàng jơng hìu dê, rơp lơh mơ kòng.

²⁰Sồr tĕ cau Israel cèng mê in mơñà ôlibe neh pat mơ kơnềng sàng ngan nàng ngui lơh mơñà ồs đèng tồ gơ àng sùm sùm.

²¹Tòm dơlam Sàl Tòm Mat, đah bơdìh bài kơrnìng di đap đài Bơta Cơng Tàng, Arôn mơ ală kòn klau khai dê pal rcang ală ồs đèng àng sùm di đap Yàng Jehôwa bơh trồ mang jơl àng drim. Hơ̆ la dô bơta sồr lam gam sùm sùm cau Israel in tòm ală rài.