Read koho Jop 28 Bible Online

Jop 28 - koho bible

Jop 28

¹“Ngan gơs dô bă tiah tòm mơnơm cau tò ai priă, mơ gơs dô bă tiah nàng lơh goh màh.

²Lòs tă bơh tòm ù, mơ kòng gơlik bơh pơnai lŭ lòs neh gơm lề.

³Cau tò tòm mơnơm mut tus dô bă tiah lồi dut bơta klam jơngo dê; mơ jòi tus di nhàr ngài rlau jơh, pơnai lŭ lòs tòm tiah jrô klam jơngo cik.

⁴Bol khai tò tòm thòng ngài bơh tiah ơm kòn mơnus dê, ală cau lòt gùng neh hŭi tiah hơ̆; Bol khai gơyồng yàt ngài bơh tiah cau ơm.

⁵Kung be bơh plai ù, gơlik piang lă bơh gơ, mơya tòm hơđơm ù gơsơlơ̆u bơh ồs.

⁶Ală pơnai lŭ gơ dê la tiah gơlik ală lŭ màng tơlir, mơ kơmbuh gơ dê gơs màh.

⁷Gùng hơ̆ ò gơs sềm kơp mòc lơi git, mơ mat klàng bung kung òhềt sền gŏ gơ.

⁸Ală phan poan jơng tòm brê jòng să òhềt cơnđòa lòt hơđang gơ, klìu triă òhềt lòt gan gơ.

⁹Tê bol khai ơn tus di lŭ tơrneh, Mơ lơh sơlơ̆u ală mơnơm bơh di ryas dê.

¹⁰Cau phàt trồm tòm ală pơnai lŭ, mơ mat bol khai gŏ jơh ală phan màng.

¹¹Bol khai bơt ală tồ dà ală hiòng dê; ală phan pồn ndơp bol khai cèng tơlik hơ bơta àng.

¹²Mơya ntềng đah jòi bàn bơta jak chài taih? Mơ ntềng đah la tiah ơm bơta git wă dê taih?

¹³Kòn mơnus ò git gùng dà lòt tus hơ gơ; mơ gơ ò jòi bàn tòm ù tiah cau kis dê.

¹⁴Brong jrô đơs lah: ‘Gơ ò ơm tòm añ,’ Mơ dàlềng đơs lah: ‘Gơ ò ơm mơ añ.’

¹⁵Gơ ò rgơi blơi mơ màh, mơ bơta kas màng gơ dê ò rgơi kơr mơ priă.

¹⁶Bơta kas màng gơ dê ò rgơi pơndròm mơ màh Ôphir, Mơ tòm lŭ kĕ màng pơrhê hala mơ lŭ màng rmit.

¹⁷Màh hala lŭ krơh ò rgơi ndròm mơ gơ, kung ò rgơi tòmgơl mơ ală lŭ kràng màng mơ màh ngan dê.

¹⁸Ò kòp ală phan geh lơh bơh bơkào lŭ tòm dàlềng mơ lŭ krơh àng loh; Bơta kas màng bơta jak chài di la rlau mơ ală lŭ màng.

¹⁹Lŭ màng rmit Ethiôpi dê ò rgơi pơndròm mơ gơ; kung ò rgơi ơn bơta kas màng gơ mơ màh goh.

²⁰Gen bơh ntềng đah bơta jak chài neh tus taih? Mơ ntềng đah la tiah ơm bơta git wă dê taih?

²¹Gơ ơm pồn ndơp bơh ală mat jơh ală jơi gơs bơta kis, Mơ pồn bơh di ală jơi sềm tòm pah gòi.

²²Brah tìng mơ bơta chơt đơs lah: ‘Bol hi neh kơno jơnau pơnro bơh gơ.’

²³Yàng Tom Trồ git loh gùng lòt tus hơ gơ, Mìng dô nă Kơnràñ git tiah ơm gơ dê.

²⁴Bơh Kơnràñ sền gŏ tus di tiah lồi plai ù dê, Mơ gŏ jơh ală phan hơđơm ală tap trồ.

²⁵Tòm tŭ Kơnràñ ai càl in gơnoar pràn, Mơ tòmcah ală pơnah dà mơ phan was sơnoa,

²⁶Tòm tŭ Kơnràñ lơh dô bơta lơh nền mìu in, mơ dô nơm gùng lòt ntơr kơnàs in.

²⁷Gen Kơnràñ neh gŏ bơta jak chài, mơ ràng tơlik gơ; Kơnràñ bơtào kơ̆ gơ mơ jòi geh gơ.

²⁸Gen Kơnràñ đơs mơ kòn mơnus lah: ‘Duh rngòt di Yàng Jehôwa, hơ̆ la bơta jak chài, mơ pleh ngài bơh bơta iơh, hơ̆ la bơta git wă.’”