Read koho Đơs Crih 101 Bible Online

Đơs Crih 101 - koho bible

Đơs Crih 101

¹Jơnau Đơs Crih Dabit cih Añ rơp đơs chò bơh bơta dòn song mơ bơta song ring; Ơ Yàng Jehôwa, añ rơp đơs chò jòng ro Kơnràñ.

²Añ rơp bơtê lòt jat gùng dà ò gơkòl lah pơrhơng. Tŭ lơi sồng añ rơp tus di bơta hơ̆ taih? Añ rơp cơnđòa lòt bơh nùs song ngan tòm hìu añ jê;

³Añ rơp ò ơn bơta iơh rmơh lơi di đap mat añ; Añ gơjrañ kơuềng di broă cau tìs nrah, broă hơ̆ rơp ò gơđềt di añ.

⁴Nùs jak tòmdră rơp ơm ngài bơh di añ; Añ rơp ò git bơta iơh bơsak lơi.

⁵Añ rơp tơnroh cau đơs joh òm di cau gơp ƀòn he; Ai cau lơi gơs mat be tòm, mơ nùs pơnhừ să, gen añ rơp ò bài kong.

⁶Añ rơp kòñ nđàc mơ sền sùm di cau dòn song tòm lơgar, Tồ bol khai in rgơi ơm bal mơ añ; Cau lơi lòt jat gùng dà ò gơkòl lah pơrhơng gen rơp duh broă añ in.

⁷Cau lơi lơh blac pơrlồm gen rơp ò geh ơm tòm hìu añ jê; Cau lơi đơs blac rơp ò gam ơm di đap bơta gơs mat añ jê.

⁸Kòp drim añ rơp tơnroh jơh ală cau iơh bơsak tòm lơgar, Mơ tơnroh jơh ală cau lơh iơh bơsak bơh di ƀòn dờng Yàng Jehôwa dê.