Read koho Đơs Crih 129 Bible Online

Đơs Crih 129 - koho bible

Đơs Crih 129

¹Bơta đơs chò tơngguh hơđang Lòi Israel đơs lah: “Bơh tòm tŭ añ gam pơnu bol khai òs sò tơm sùm di añ, mơya bol khai ò geh pha rlau mơ añ,

²Bơh tòm tŭ añ gam pơnu, bol khai òs sò tơm di añ sùm, mơya bol khai ò geh pha rlau mơ añ.

³Cau lơòr sre neh lơòr hơđang ngkòi añ jê, bol khai neh lơh gùng lơòr jòng hơđang hơ̆.”

⁴Yàng Jehôwa la song ring; Kơnràñ neh koh ală che cau iơh bơsak.

⁵Dan ală cau gơjrañ kơuềng di Siôn kong ƀàssìl mơ ruc wơl.

⁶Lòi bol khai gơlơh be ñhơt hơđang rkàng hìu, Gơ ro rañ lài mơ tŭ hòn dờng.

⁷Cau dŭi gơ ò bềng sơmbat, Cau cap gơ ò bềng rwà tê bol khai dê.

⁸Ală cau lòt gan kung ò đơs lah: “Dan Yàng Jehôwa ai lơngai lơngò mê in! Bol he ai sơnđan Yàng Jehôwa mơ ai lơngai lơngò mê in!”