Read koho Đơs Crih 138 Bible Online

Đơs Crih 138 - koho bible

Đơs Crih 138

¹Jơnau Đơs Crih Dabit cih Ơ Yàng Jehôwa, añ jơh nùs ưnngài Yàng, Añ đơs chò jòng ro Kơnràñ di đap ală yàng.

²Añ cùn khoai wèt hơ Hìu Duh Khoai Sàng Goh Yàng dê, Mơ ưnngài sơnđan Kơnràñ bơh bơta kòñ gơboh kơ̆ dơn Kơnràñ dê, Tài bơh Yàng neh yò tơngguh sơnđan mơ jơnau Yàng dê hơđang rlau jơh mơ ală bơta.

³Tòm ngai añ hòi dan, Yàng dòp jơnau añ, Mơ bơtơl pràn hwềng soàn añ in.

⁴Ơ Yàng Jehôwa, jơh ală cau bơtau dunnia rơp jòng ro Yàng, Bơh bol khai neh kơno ală jơnau đơs Kơnràñ dê.

⁵Bol khai rơp đơs chò jòng ro bơh ală gùng dà Yàng Jehôwa dê, Tài bơh bơta gơklŏ Yàng Jehôwa dê la dờng ngan.

⁶Bulah Yàng Jehôwa ơm hơđang jòng, Mơya kung wèt sền ală cau ò diă ò diơng; Ai cau pơnhừ să gen Kơnràñ đal git bol khai bơh ngài.

⁷Bulah añ lòt digùl bơta gơlòng bòl glar, Yàng sền gàr bơta kis añ jê; Kơnràñ pò tê tòmdră di bơta gơjrañ dờng cau sò tơm di añ, Mơ tê ma Yàng dê dong tă añ.

⁸Yàng Jehôwa rơp lơh wil tơl bơta Kơnràñ neh lơh nền gơwèt mơ añ; Ơ Yàng Jehôwa, bơta kòñ gơboh kơ̆ dơn Kơnràñ dê gam sùm sùm. Dan bañ sang lòi ală broă tê Kơnràñ dê.