Read koho Đơs Crih 140 Bible Online

Đơs Crih 140 - koho bible

Đơs Crih 140

¹Jơnau Đơs Crih Dabit cih ai cau lam bồ đơs chò in ngui Ơ Yàng Jehôwa, dan dong tă añ klàs di ală cau iơh bơsak; Dan sền gàr añ klàs di ală cau kòñ lơh iơh.

²La cau kơlôi rcang ală bơta iơh bơsak tòm nùs, Mơ lơh sùm bơta kơlìn.

³Bol khai gơs lơmpiat sơmplàñ be lơmpiat bơs; Tòm sơndồi bol khai dê gơs bih khih bơs tur dê.

⁴Ơ Yàng Jehôwa, dan sền gàr añ klàs bơh di tê cau iơh bơsak; Sền gàr añ klàs di cau kòñ lơh iơh, La cau neh kơlôi rcang nàng lơh jơng añ in gơtup pừ.

⁵Ală cau pơnhừ să neh pơt dă kup añ, Neh dang che lì bơtơng; Tòm gùng bol khai neh pơt dă kup añ. (Selah)

⁶Añ đơs mơ Yàng Jehôwa lah: “Kơnràñ la Yàng Tom Trồ añ jê. Ơ Yàng Jehôwa, dan wèt tồr iat jơnau rac dan añ jê.

⁷Ơ Yàng Jehôwa la Yàng añ jê, la bơta pràn dong tă añ, Yàng neh jơm gòm bồ añ tòm ngai tòmlơh.

⁸Ơ Yàng Jehôwa, dan bañ ai cau iơh bơsak in bơta bol khai kơp kòñ; Dan bañ lòi kai gơrmơ̆i iơh bơsak bol khai dê gơlik cồng nha.” (Selah)

⁹Ală cau gơrwàng gùt dar añ, pò tơngguh bồ bol khai dê; Lòi jơnau blac pơrlồm sơndồi bol khai dê bồr ndơp bol khai.

¹⁰Lòi ồs rnga tuh hơđang bol khai! Lòi bol khai kong sơrbì tòm ală trồm jrô, ò gơs tŭ lơi geh lik tai!

¹¹Dan bañ lòi cau đơs jơnau blac chừt bơtào tơngguh tòm lơgar; Lòi bơta iơh mhar ting mòc bàn cau kòñ lơh iơh.

¹²Añ git lah Yàng Jehôwa dong tò cau siơ̆u siar, Mơ cahrña song ring cau rƀah in.

¹³Ngan cau song ring rơp ưnngài sơnđan Yàng dê; Cau song ngan rơp ơm di đap Yàng.