Read koho Đơs Crih 142 Bible Online

Đơs Crih 142 - koho bible

Đơs Crih 142

¹Jơnau Đơs Crih bơto sồr mơ Dabit cih tòm tŭ ơm tòm trồm lŭ. Jơnau hòi dan Añ ai jơnau rac dan mơ Yàng Jehôwa, Añ ai jơnau hòi dan mơ Yàng Jehôwa.

²Di đap Kơnràñ añ tuh tơlik bơta rac ròc añ jê, Mơ yal tơlik bơta gơlòng bòl glar añ jê di đap Kơnràñ.

³Tòm tŭ hwềng soàn añ bòl glar, gen Yàng git gùng dà añ jê. Tòm gùng añ lòt, bol khai neh pơt òm dă nàng kup añ.

⁴Dan sền hơ đah ma añ mơ sền sơwì, Mơya ò gơs cau lơi kơlôi di añ; ò gơs tiah lơi nàng añ kìng crŭ, Ò gơs cau lơi kơlôi rcang añ in.

⁵Ơ Yàng Jehôwa, añ rac dan mơ Kơnràñ, Mơ đơs lah: Kơnràñ la tiah kìng crŭ añ jê, La pơnah gơrê mơ añ tòm ù cau kis dê.

⁶Dan Yàng iat jơnau añ, bơh añ kong bòl glar dồn sa ngan! Dan dong tă añ bơh di cau kup kơryan añ, Bơh bol khai pràn kơldang rlau mơ añ,

⁷Dan tă añ lik klàs bơh di hìu jàm, nàng añ in ưnngài sơnđan Yàng. Ală cau song ring rơp gòm gùt dar añ, Tài bơh Yàng rơp ai lơngai oă añ in.