Read koho Đơs Crih 2 Bible Online

Đơs Crih 2 - koho bible

Đơs Crih 2

¹Ñchi bơh tài ală lơgar kơlôi bơyai lơh iơh gơhào gơjrañ, Mơ ală làng bol rơndap tap sèng bơta roh lơm taih?

²Ală bơtau tòm dunnia bơtào tơngguh, Ală kwang bàng tòmbơyai bal, Sòdră di Yàng Jehôwa mơ di Bơtau geh bong mơñà Kơnràñ dê mơ lah:

³“Bol he gơltac tĕ che cap bol khai dê, Mơ sang sơrbì ală che kơt bol khai dê bơh di he.”

⁴Bơtau nggui hơđang trồ rơp ñŏ, Yàng rơp dơñŏ tơnhial dê bol khai.

⁵Tŭ hơ̆ Kơnràñ rơp gơhào gơjrañ mơ đơs mơ bol khai, Ngui bơta gơjrañ dờng Kơnràñ dê mơ lơh bol khai in rngòt rngơt, mơ đơs lah:

⁶“Bulah behơ̆, Añ neh bơtào Bơtau Añ jê Hơđang Siôn, mơnơm sàng goh Añ jê.”

⁷Añ rơp yal tơlik bơta lơh nền Yàng Jehôwa đơs mơ Añ lah: “Mê la Kòn Añ jê, ngai do Añ neh tơnggơs mê.

⁸Dan tĕ mơ Añ, Añ rơp ai kòn in ală lơgar lơh gơs sre brê, Mơ ală tiah lồi plai ù lơh gơs phan mơna mê dê.

⁹Kòn rơp ngui gai jra lòs mơ pòng bơcah bol khai, Kòn rơp lơh bơcah lề bol khai be gri cau chài mòn gơ.”

¹⁰Behơ̆, ơ ală cau bơtau, jak chài tĕ; Ơ ală kwang cahrña tòm dunnia, dòp tĕ bơta bơto sồr.

¹¹Duh tĕ broă Yàng Jehôwa dô bă duh rngòt, Mơ hòn chò tĕ dô bă rơm să.

¹²Cum tĕ kòn, rngòt khai gơhào gơjrañ, Mơ bol mê rơp roh rui tòm gùng he dê mòn; Bơh dô êt tai bơta gơjrañ dờng kòn dê rơp gơhào guh. Lơngai jơh ală cau lơi in kìng crŭ să he di Khai.